Iindumiso
95:1 Yizani simemelele kuYehova, senze ilizwi lovuyo kuye
iliwa losindiso lwethu.
95:2 Masize phambi kobuso bakhe sinombulelo, simemelele
ilizwi kuye ngeengoma.
95:3 Ngokuba nguThixo omkhulu uYehova, NguKumkani omkhulu ngaphezu koothixo bonke.
95:4 Uzisesandleni sakhe iingontsingontsi zehlabathi, Neencopho zeentaba
yeyakhe naye.
95:5 Ulolwakhe ulwandle, nguyena walwenzayo; Nomhlaba owomileyo zawubumba izandla zakhe.
95:6 Yizani, masiqubude, sithobe, Siguqe phambi koYehova wethu
umenzi.
95:7 Ngokuba nguThixo wethu yena; thina ke singabantu bokwaluswa nguye, nezimvu
yesandla sakhe. Namhla, ukuba nithe naliva ilizwi lakhe;
95:8 Musani ukuyenza lukhuni intliziyo yenu, ngokwemini yokucaphuka, nanjengemini yoxolo
isihendo entlango;
95:9 Oko bandilingayo ooyihlo, Bandicikida, bawubona umsebenzi wam.
95:10 Kwaba minyaka imashumi mane ndikruqukile sesi sizukulwana, Ndathi, Siso
ngabantu abantliziyo zindwendwayo, abazazi iindlela zam bona;
95:11 Endabafungelayo ndinomsindo, ndathi, Abayi kungena ekuphumleni kwam.