Whakakitenga 10:1 A ka kite ahau i tetahi atu anahera kaha e heke iho ana i te rangi, whakakakahuria ana ki te a he kapua: he aniwaniwa hoki i runga i tona mahunga, ko tona mata rite tonu ki a ia ra, ko ona waewae ano he pou kapura. 10:2 He pukapuka nohinohi tera i tona ringa e tuwhera ana: e whakaturia ana e ia tona waewae matau ki runga ki te moana, ko tona waewae maui ki runga ki te whenua; 10:3 He nui tona reo ki te hamama, ano he raiona e hamama ana: ka karanga, ka puaki nga reo o nga whatitiri e whitu. 10:4 A ka puaki nga reo o nga whatitiri e whitu, ka mea ahau Tuhituhi: a ka rongo ahau i te reo no te rangi e mea mai ana ki ahau, Hiritia era nga mea i korerotia e nga whatitiri e whitu, a kaua e tuhituhia. 10:5 Na ko te anahera i kitea e ahau e tu ana i runga i te moana, i runga ano i te whenua, ara ake ana totoro tona ringa ki te rangi, 10:6 I oati hoki ki a ia e ora tonu ana ake ake, nana nei i hanga te rangi, me te nga mea o roto, me te whenua, me nga mea o roto me te moana, me nga mea o roto, e takoto ake nei kua kore te wa: 10:7 Engari i nga ra o te reo o te whitu o nga anahera, ina timata ia ki te tangi, ka oti te mea ngaro a te Atua, tana i korero ai ana pononga, nga poropiti. 10:8 Na ka korero ano ki ahau te reo i rongo ai ahau i te rangi, ka mea, Haere, tangohia te pukapuka nohinohi e tuwhera na i te ringaringa o te anahera e tu ana i runga i te moana, i runga i te whenua. 10:9 Na ka haere ahau ki te anahera, ka mea ki a ia, Homai ki ahau te pukapuka nohinohi na. Na ka mea ia ki ahau, Tangohia, kainga; a ka mahia e ia tou kopu he kawa, engari ka reka ki tou mangai, ano he honi. 10:10 Na ka tango ahau i te pukapuka nohinohi i te ringa o te anahera, kainga ana e ahau; a i reka ano ki toku mangai, ano he honi: no taku kainga ake, e toku kua kawa te kopu. 10:11 I mea mai ano ia ki ahau, Me poropiti ano koe ki te aroaro o nga iwi maha nga iwi, nga reo, me nga kingi.