Waiata 148:1 Whakamoemititia a Ihowa. Whakamoemititia a Ihowa i runga i nga rangi: whakamoemititia ia i roto i nga rangi nga teitei. 148:2 Whakamoemititia ia, e ana anahera katoa: whakamoemititia ia, e ana mano tini. 148:3 Whakamoemititia ia, e te ra, e te marama: whakamoemititia ia, e nga whetu whakamarama katoa. 148:4 Whakamoemititia ia, e nga rangi o nga rangi, e nga wai hoki o runga ake ia Ihowa rangi. 148:5 Kia whakamoemititia e ratou te ingoa o Ihowa: nana hoki i whakahau, a kua oti hanga. 148:6 Nana hoki ratou i whakapumau ake ake: nana i whakatakoto te tikanga e kore e pahemo. 148:7 Whakamoemititia a Ihowa, i runga i te whenua, e nga tarakona, e nga rire katoa. 148:8 Te kapura, me te whatu; te hukarere, me te kohu; ko te hau tupuhi hei whakarite i tana kupu. 148:9 E nga maunga, e nga pukepuke katoa; nga rakau hua, me nga hita katoa; 148:10 E nga kirehe, e nga kararehe katoa; nga mea ngokingoki, me nga manu rere. 148:11 E nga kingi o te whenua, e nga iwi katoa; nga rangatira, me nga kaiwhakawa katoa a Ihowa whenua: 148:12 E nga taitama, e nga taitamahine; nga kaumatua me nga tamariki: 148:13 Kia whakamoemititia e ratou te ingoa o Ihowa: nona anake hoki te ingoa e nui ana; kei runga ake i te whenua, i te rangi tona kororia. 148:14 Ko ia hoki te kaiwhakaara o te haona o tana iwi; e whakamoemititia ana e ana tangata tapu katoa; o nga tama a Iharaira, he iwi e tata ana ki a ia. Whakamoemititia a Ihowa Ihowa.