Waiata 147:1 Whakamoemititia a Ihowa; he pai hoki te himene ki to tatou Atua; mo tena he ahuareka; he ataahua te whakamoemiti. 147:2 Ko Ihowa hei hanga i Hiruharama: mana hoki nga whati e kohikohi Iharaira. 147:3 Ko ia hei rongoa i te hunga ngakau maru: mana e takai o ratou wahi mamae. 147:4 E taua ana e ia te maha o nga whetu; huaina ana e ia o ratou ingoa katoa. 147:5 He nui to tatou Ariki, he nui hoki tona kaha: e kore e taea tona matauranga te whakaaro. 147:6 Ko Ihowa te kaitautoko mo te hunga mahaki: ka turakina e ia te hunga kino ki te whenua. 147:7 Waiata ki a Ihowa i runga i te whakawhetai; himene i runga i te hapa ki a tatou Atua: 147:8 Ko ia nei te kaiuwhi i te rangi ki nga kapua, te kaihanga i te ua mo te whenua; e whakatupu ana i te tarutaru ki runga ki nga maunga. 147:9 E homai ana e ia he kai ma te kirehe: ma nga pi raweni hoki ina tangi. 147:10 E kore ia e ahuareka ki te kaha o te hoiho: e kore ia e ahuareka i nga waewae o te tangata. 147:11 E manako ana a Ihowa ki te hunga e wehi ana ki a ia, ki te hunga e tumanako ana tana mahi tohu. 147:12 Whakamoemititia a Ihowa, e Hiruharama; whakamoemititia tou Atua, e Hiona. 147:13 Nana nei hoki i whakakaha nga tutaki o ou tatau; kua manaakitia koe e ia tamariki i roto i a koe. 147:14 Nana ano i mau ai te rongo i roto i ou rohe: nana koe i makona ai i nga mea papai o nga mea papai. witi. 147:15 E tukua ana e ia tana kupu ki te whenua: rere ana tana kupu tere. 147:16 E homai ana e ia te hukarere ano he huruhuru hipi: e whakatitaritaria ana te haupapa ano he pungarehu. 147:17 Maka mai ana e ia tana hauhunga ano he maramara: ko wai e tu i mua i tana matao? 147:18 E tukua ana e ia tana kupu, a whakarewaina ana aua mea: ka meinga e ia tana hau kia pupuhi. ka rere nga wai. 147:19 E whakakitea ana e ia tana kupu ki a Hakopa; ana tikanga, me ana whakaritenga ki a ia Iharaira. 147:20 Kahore i pera tana hanga ki tetahi iwi; kahore i mohio ki a ratou. Whakamoemititia a Ihowa.