Waiata 127:1 Ki te kore e hanga e Ihowa te whare, he maumau mahi ta nga kaihanga; ki te kore e tiakina e Ihowa te pa, maumau mataara noa te kaitutei. 127:2 He maumau to koutou ara wawe, to koutou noho roa i te po, ta koutou kai i te taro oto: ko tana moe tena ka homai nei ki tana e aroha ai. 127:3 Na he taonga pumau na Ihowa nga tamariki, ko nga hua ano o te kopu tana utu. 127:4 E rite ana ki nga pere i te ringa o te tangata kaha; he pera ano nga tamariki o te taitamarikitanga. 127:5 Ka hari te tangata kua ki nei tana papa pere ia ratou: e kore ratou e waiho ka whakama, engari ka korero ki o ratou hoariri i te kuwaha.