Waiata 121:1 ś Ka anga atu oku kanohi ki nga maunga; no reira nei te awhina moku. 121:2 No Ihowa te awhina moku, no te kaihanga o te rangi, o te whenua. 121:3 E kore ia e tuku i tou waewae kia nekehia: e kore tou kaitiaki e pai moe. 121:4 Nana, e kore te kaitiaki o Iharaira e parangia, e moe. 121:5 Ko Ihowa tou kaitiaki, ko Ihowa tou whakamarumaru i tou matau. 121:6 E kore koe e pakia e te ra i te awatea, e te marama ranei i te po. 121:7 Ma Ihowa koe e tiaki i roto i nga kino katoa: mana e tiaki tou wairua. 121:8 Ma Ihowa e tiaki tou haerenga atu, me tou haerenga mai i tenei wa atu, a ake ake.