Waiata 120:1 I tangi ahau ki a Ihowa i toku paweratanga, a whakahoki kupu ana mai ia ki ahau. 120:2 Whakaorangia toku wairua, e Ihowa, i te ngutu teka, i te arero hianga. 120:3 Ko te aha e hoatu ki a koe? ka aha ranei koe, mau? arero teka? 120:4 Ko nga pere koi a te hunga nunui, me nga waro hunipa. 120:5 Aue, toku mate, to te manene i Meheke, toku hoki e noho nei i nga teneti o Kerara! 120:6 Kua roa te nohoanga tahitanga o toku wairua ki te tangata e kino ana ki te ata noho. 120:7 Mo te ata noho ahau, engari ka korero ahau, ka anga ratou ki te whawhai.