Waiata 115:1 Aua ki a matou, e Ihowa, aua ki a matou, engari me hoatu te kororia ki tou ingoa; he mahi tohu, he whakaaro ki tou pono. 115:2 Kia mea koia nga tauiwi, Kei hea ianei to ratou Atua? 115:3 Kei te rangi ia to matou Atua: kua mahia e ia nga mea katoa i pai ai ia. 115:4 He hiriwa a ratou whakapakoko, he koura, he mahi na te ringa tangata. 115:5 He mangai o ratou, a kahore e korero: he kanohi o ratou, a kahore e kite. 115:6 He taringa o ratou, a kahore e rongo: he ihu o ratou, a kahore e hongi. 115:7 He ringa o ratou, a kahore e whawha: he waewae o ratou, a kahore e haere. kahore hoki o ratou korokoro e korero. 115:8 Ka rite ki a ratou o ratou kaihanga; ka pera ano te hunga katoa e whakawhirinaki ana ratou. 115:9 E Iharaira, whakawhirinaki ki a Ihowa: ko ia to ratou awhina, to ratou whakangungu rakau. 115:10 E te whare o Arona, whakawhirinaki ki a Ihowa: ko ia to ratou awhina, to ratou whakangungu rakau. 115:11 E te hunga e wehi ana ia Ihowa, whakawhirinaki ki a Ihowa: ko ia to ratou awhina, to ratou awhina whakangungu rakau. 115:12 Kua mahara a Ihowa ki a tatou: mana tatou e manaaki; mana e manaaki whare o Iharaira; mana e manaaki te whare o Arona. 115:13 Ka manaakitia e ia te hunga e wehi ana ki a Ihowa, te iti, te rahi. 115:14 Ka tapiritia ano e Ihowa ki a koutou, ki a koutou ko a koutou tamariki. 115:15 He manaakitanga koutou na Ihowa, na te kaihanga o te rangi, o te whenua. 115:16 Ko nga rangi, ko nga rangi, no Ihowa, ko te whenua ia ia hoatu ki nga tamariki a te tangata. 115:17 E kore nga tupapaku e whakamoemiti ki a Ihowa: me te hunga katoa ano e heke ana ki te wahangutanga. 115:18 Ko matou ia ka whakapai ki a Ihowa aianei a ake ake. Whakamoemiti a Ihowa.