Waiata 110:1 I mea a Ihowa ki toku Ariki, hei toku matau koe noho ai, kia mahia ra ano e ahau ou hoariri hei turanga waewae mou. 110:2 Ma Ihowa e tono mai te tokotoko o tou kaha i Hiona: hei rangatira koe i waenganui o ou hoariri. 110:3 Ka kakama tou iwi ki te tapae atu i te ra o tou kaha: i te ataahuatanga hoki o tou Atua te tapu no te kopu mai o te ata, kei a koe te tomairangi o tou tamarikitanga. 110:4 Kua oati a Ihowa, e kore ano e puta ke tona whakaaro, Hei tohunga koe ake ake. i te ritenga o Merekihereke. 110:5 Kei tou matau te Ariki, ka maru ia ia nga kingi i te ra o tona ra riri. 110:6 E whakawa ia i waenganui i nga tauiwi; ka whakakiia e ia nga wahi ki te tupapaku tinana; ka maru i a ia nga upoko o nga whenua maha. 110:7 Ka inu wai ia i te awa i te ara: ma reira ka whakaarahia e ia upoko.