Waiata 101:1 ¶ Ka waiatatia e ahau te mahi tohu me te whakawa tika: ka himene atu ahau ki a koe, e Ihowa. 101:2 Ka ata whakahaere ahau i ahau i runga i te ara tika. Ahea koe tae mai ai ahau? Ka haereere ahau i roto i toku whare i runga i te ngakau tapatahi. 101:3 E kore te mea tutua e waiho e ahau i mua i oku kanohi; e kino ana ahau ki a ratou mahi ka peka ke; e kore e piri ki ahau. 101:4 Ka mawehe atu i ahau te ngakau parori ke: e kore ahau e mohio ki te mea kino. 101:5 Ko te tangata e ngautuara puku ana ki tona hoa ka hatepea atu e ahau; he kanohi whakakake, he ngakau whakakake e kore ahau e mamae. 101:6 Kei runga oku kanohi i nga mea pono o te whenua, kia noho ai ratou ki ahau: ko te tangata e haere ana i te ara tika, ka mahi ia ki ahau. 101:7 E kore e noho ki toku whare te kaimahi i te hianga: te tangata korero e kore te teka e noho tonu ki taku tirohanga. 101:8 I tenei ata ka whakangaromia e ahau nga tangata kikino katoa o te whenua; kia hatepea atu ai e ahau nga mea katoa te hunga kino i te pa o Ihowa.