Waiata 100:1 Kia hari te hamama ki a Ihowa, e nga whenua katoa. 100:2 Mahi atu ki a Ihowa i runga i te koa, waiata haere ki tona aroaro. 100:3 Kia matau ki a Ihowa, ko ia te Atua: nana tatou i hanga, ehara hoki ia tatou ko tatou ano; ko tana iwi tatou, ko ana hipi e hepara ai. 100:4 Tomokia ona tatau i runga i te whakawhetai, ona marae i runga i te whakamoemiti. Whakawhetai atu ki a ia, whakapai ki tona ingoa. 100:5 He pai hoki a Ihowa; he mau tonu tana mahi tohu; e mau tonu ana tona pono ki nga whakatupuranga katoa.