Waiata 97:1 ś Ko Ihowa te Kingi; kia hari te whenua; kia maha nga motu koa ana. 97:2 Ko te kapua me te pouri kei ona taha katoa: kei reira te tika me te whakawa te nohoanga o tona torona. 97:3 He kapura e haere ana i mua i a ia, a pau ake ona hoariri a taka noa. 97:4 Marama tonu te ao i ana uira: i kite te whenua, a wiri ana. 97:5 Rewa noa nga pukepuke, ano he ware pi, i te aroaro o Ihowa, i te aroaro o Ihowa a te Ariki o te whenua katoa. 97:6 E whakapuakina ana e nga rangi tona tika: ae kitea ana e nga iwi katoa tona kororia. 97:7 Kia whakama katoa te hunga e mahi ana ki nga whakapakoko, e whakamanamana ana ki a ratou ano o nga whakapakoko: koropiko ki a ia, e nga atua katoa. 97:8 I rongo a Hiona, a koa ana; a koa ana nga tamahine a Hura au whakaritenga, e Ihowa. 97:9 Ko koe hoki, e Ihowa, kei runga noa ake i te whenua katoa: kua whakanuia koe ki runga noa atu atua katoa. 97:10 E te hunga e aroha ana ki a Ihowa, e kino ki te he: e tiakina ana e ia nga wairua o tana hunga tapu; e whakaorangia ana ratou e ia i te ringa o te hunga kino. 97:11 Kua oti te marama te whakato mo te hunga tika: me te koa mo te hunga ngakau tika. 97:12 Kia hari ki a Ihowa, e te hunga tika; Whakawhetai ki te maharatanga tona tapu.