Waiata 87:1 Kei nga maunga tapu tona turanga. 87:2 E arohaina rawatia ana e Ihowa nga kuwaha o Hiona i nga nohoanga katoa o Hakopa. 87:3 He mea kororia nga mea e korerotia ana mou, e te pa o te Atua. Hera. 87:4 Ka korerotia e ahau a Rahapa raua ko Papurona ki te hunga e matau ana ki ahau: nana Ko Pirihitia, ko Taira, ko Etiopia; i whanau tenei tangata ki reira. 87:5 Ko te kupu tenei mo Hiona, I whanau tenei me tera ki roto ia ia; mana ia e whakapumau. 87:6 Ka korerotia e Ihowa, ina tuhituhia nga iwi, ko tenei tangata ano whanau i reira. Hera. 87:7 Ko reira ano nga kaiwaiata, me nga mea whakatangi: e toku katoa he puna kei roto i a koe.