Waiata 85:1 ś E Ihowa, kua aro mai koe ki tou whenua: kua whakahokia mai e koe ko Hakopa i te whakarau. 85:2 Kua murua e koe te kino o tau iwi, kua hipokina e koe te katoa to ratou hara. Hera. 85:3 Kua mutu katoa tou weriweri; kua tahuri ke koe i a Ihowa te aritarita o tou riri. 85:4 Whakahokia ake matou, e te Atua o to matou whakaoranga: meinga hoki tou riri ki a matou mutu. 85:5 E riri ranei koe ki a matou ake ake? e puta atu ranei tou riri ki nga whakatupuranga katoa? 85:6 E kore ianei koe e whakaora ia matou ano: kia hari ai tau iwi ki a koe? 85:7 E Ihowa, whakakitea mai tau mahi tohu ki a matou: homai ki a matou tau whakaoranga. 85:8 Ka whakarongo ahau ki ta te Atua, ki ta Ihowa, e korero ai: no te mea mo te rangimarie tana e korero ai ki tana iwi, ki tana hunga tapu: otiia kaua ratou e hoki ki te wairangi. 85:9 Ina, he tata tonu tana whakaoranga ki te hunga e wehi ana ki a ia; kia noho ai te kororia to matou whenua. 85:10 Kua tutaki te mahi tohu me te pono; kua kihi te tika me te rangimarie tetahi ki tetahi. 85:11 Ka tupu ake te pono i te whenua; a ka titiro iho te tika no te rangi. 85:12 Ae ra, ka homai e Ihowa te pai; a ka whai hua to tatou whenua tona pikinga. 85:13 Ka haere te tika i mua ia ia; a mana tatou e whakatu ki tona ara takahanga.