Waiata 82:1 E tu ana te Atua i roto i te whakaminenga o te hunga nunui; e whakawa ana ia i waenganui i nga atua. 82:2 Kia pehea ake te roa o ta koutou whakawa he, o ta koutou whakapai ki nga kanohi o te hunga kino? Hera. 82:3 Whakatikaia te whakawa mo te ware me te pani: mahia te whakawa mo te ware, mo te rawakore. 82:4 Whakaorangia te ware me te rawakore: tangohia mai ratou i te ringa o te tangata kino. 82:5 Kahore ratou e mohio, kare ano e mahara; haere tonu ratou i roto i te pouri. kua hee nga turanga katoa o te whenua. 82:6 I mea ahau, He atua koutou; he tamariki koutou katoa na te Runga Rawa. 82:7 Engari ka mate koutou ano he tangata, ka hinga ano ko tetahi o nga rangatira. 82:8 Whakatika, e te Atua, whakawakia te whenua: mau hoki nga tauiwi katoa.