Waiata 32:1 ś Ka hari te tangata kua oti tana he te muru, tona hara te hipoki. 32:2 Ka hari te tangata kahore nei e whakairia e Ihowa he hara ki a ia, he kino kahore hoki he hianga o tona wairua. 32:3 I ahau kihai i wahangu, ngahengahe kau oku iwi i taku auetanga i te ra roa roa. 32:4 No tou ringa i taimaha ki ahau i te ao, i te po; kua puta ke toku makukuranga te tauraki o te raumati. Hera. 32:5 I whakina e ahau toku hara ki a koe, kihai hoki i huna i toku kino. I i mea ia, Ka whakina aku mahi tutu ki a Ihowa; a murua iho e koe te he o toku hara. Hera. 32:6 Mo konei ka inoi ki a koe te hunga tapu katoa i te wa e rite ai tera pea koe e kitea: he pono i nga waipuke o nga wai nunui kaua e tata ki a ia. 32:7 Ko koe toku piringa; mau e tiaki i ahau kei raru; koe ka karapotia ahau ki nga waiata whakaora. Hera. 32:8 Ka whakaakona koe e ahau, ka whakaakona koe ki te ara e haere ai koe: I ma toku kanohi koe e arahi. 32:9 Kei rite koutou ki te hoiho, ki te muera ranei, kahore nei he matauranga. me pupuri o ratou mangai ki te paraire, kei tata mai ki a koe. 32:10 He maha nga mea whakapouri mo te tangata kino: ko te tangata ia e whakawhirinaki ana ki a Ihowa, ka karapotia ia e te atawhai. 32:11 Kia hari ki a Ihowa, whakamanamana, e te hunga tika: hamama, kia hari, e te hunga katoa. e te hunga ngakau tika.