Waiata 31:1 E Ihowa, ko koe taku e whakawhirinaki nei; kei whakama ahau ake ake: whakaorangia ahau i tou tika. 31:2 Anga mai tou taringa ki ahau; hohoro te whakaora i ahau: kia ai koe hei kohatu kaha moku, hei whare tiaki moku. 31:3 Ko koe hoki toku kohatu, toku pa; na, kia mahara ki tou ingoa ahau, a arahina ahau. 31:4 Kapohia ahau i roto i te kupenga i huna e ratou moku: ko koe hoki koe toku kaha. 31:5 Tenei toku wairua te tukua atu nei e ahau ki tou ringa; nau ahau i hoki e Ihowa, e te Atua o pono. 31:6 E kino ana ahau ki te hunga e whakaaro ana ki nga mea tekateka noa: ko ahau ia e whakawhirinaki ana ki a Ihowa. 31:7 Ka koa ahau, ka hari ki tou atawhai; raruraru; i matau koe ki toku wairua i roto i nga he; 31:8 Kahore ahau i kopia e koe ki roto ki te ringa o te hoariri: kua whakaturia e koe taku waewae i roto i te ruma nui. 31:9 Tohungia ahau, e Ihowa, kei te he hoki ahau, pakoko kau toku kanohi i te pouri, ae ra, toku wairua me toku kopu. 31:10 Ka hemo nei hoki toku ora i te tangi, me oku tau i te aue, toku kaha hemo iho i toku he, kurupopo ana oku wheua. 31:11 He tawainga ahau na oku hoariri katoa; e te hunga e noho tata ana, e wehingia ana oku tangata i mohio ai: ko te hunga i kite i ahau kahore i oma mai i ahau. 31:12 Kua warewaretia ahau me te tupapaku kua ngaro atu i te ngakau: kua rite ahau ki te oko pakaru. 31:13 I rongo hoki ahau i te ngautuara a te tini: i nga taha katoa te wehi: ia ratou i runanga ratou ki te he moku, i mea kia whakamatea ahau. 31:14 Ko ahau ia i whakawhirinaki ki a koe, e Ihowa: i mea, Ko koe toku Atua. 31:15 Kei tou ringa oku taima, whakaorangia ahau i nga ringa o oku hoariri, a i te hunga e tukino ana i ahau. 31:16 Kia whiti tou mata ki tau pononga: whakaorangia ahau, he whakaaro ki tou aroha. 31:17 Kei whakama ahau, e Ihowa; kua karanga atu hoki ahau ki a koe kia whakama te hunga kino, kia takoto puku i roto i te reinga. 31:18 Whakamutua te ngutu teka; e korero kino ana ki te whakakake, ki te whakahawea ki te tangata tika. 31:19 Ano te nui o tau pai kua rongoatia nei e koe mo te hunga e wehi ana! koe; i mahia nei e koe mo te hunga e whakawhirinaki ana ki a koe i te aroaro o Ihowa tama a te tangata! 31:20 Ka huna ratou e koe ki te wahi ngaro i tou aroaro i te whakapehapeha o Ihowa tangata: me huna ratou e koe ki roto ki te teneti, kei ngangau a arero. 31:21 Kia whakapaingia a Ihowa, mona i mea kia miharotia tana mahi tohu ki ahau pa kaha. 31:22 I ki hoki ahau i toku potatutatunga, Kua motuhia mai ahau i mua i ou kanohi. ahakoa ra i rongo koe ki toku reo inoi i taku karangatanga ki a koe. 31:23 Arohaina a Ihowa, e tana hunga tapu katoa: e tiakina ana hoki e Ihowa he pono, he nui hoki tana utu ki te tangata whakakake. 31:24 Kia maia, kia kaha o koutou ngakau, e te hunga katoa e tumanako ana i roto i a Ihowa.