Waiata 24:1 No Ihowa te whenua, me ona tini mea; te ao, me ratou e noho ana i roto. 24:2 He mea whakatu hoki nana ki runga ki nga moana, he mea whakau ki runga ki te moana waipuke. 24:3 Ko wai e eke ki te maunga o Ihowa? ko wai ranei e tu ki tona wahi tapu? 24:4 Ko te tangata he ringa ma nei, he ngakau ma; kahore nei i hapai ake i tana te wairua ki te horihori, a kahore i oati teka. 24:5 Ka riro ia ia te manaaki a Ihowa, me te tika na Ihowa te Atua o tona whakaoranga. 24:6 Ko te whakatupuranga tenei o te hunga e rapu ana ki a ia, e rapu nei i tou mata, e Ihowa ko Hakopa. Hera. 24:7 Kia ara o koutou matenga, e nga kuwaha; kia ara ano hoki koutou, e nga tatau onamata; a ka tomo mai te Kingi o te kororia. 24:8 Ko wai tenei Kingi kororia? Ko Ihowa te kaha, ko te kaha, ko Ihowa nui i te whawhai. 24:9 Kia ara o koutou matenga, e nga tatau; whakaarahia, e nga tatau onamata; a ka tomo mai te Kingi o te kororia. 24:10 Ko wai tenei Kingi kororia? Ko Ihowa o nga mano, ko ia te Kingi kororia. Hera.