Whakatauki 31:1 ¶ Ko nga kupu a Kingi Remuera; ko te poropititanga i whakaakona ai ia e tona whaea. 31:2 He aha, e taku tama? he aha ra, e te tama a toku kopu? he aha hoki, e taku tama oati? 31:3 Kaua e hoatu tou kaha ki nga wahine, ou ara hoki ki te mea whakangaro nga kingi. 31:4 Ehara ma nga kingi, e Remuera, ehara ma nga kingi te inu waina; kahore hoki mo nga rangatira he wai kaha. 31:5 Kei inu ratou, a ka wareware ki te ture, a ka whakapeau ke i te whakawa o tetahi te hunga e tukinotia ana. 31:6 Hoatu he wai kaha ma te tangata e tata ana te marere, he waina hoki ma ratou he ngakau pouri tena. 31:7 Tukua ia kia inu, kia wareware ai ki tona rawakore, a kore ake he mahara ki ona mate. 31:8 Kia puaki tou mangai mo te wahangu, i te whakawakanga o te hunga katoa i whakaritea ma ratou whakangaromanga. 31:9 Kia puaki tou mangai, whakaritea te whakawa i runga i te tika, tohea te tohe a te ware rawakore. 31:10 Ko wai e kite i te wahine eu ana tona pai? kei runga noa atu hoki tona utu i to rupi. 31:11 Ka whakawhirinaki te ngakau o tana tane ki a ia, a ka whiwhi ia ki a ia kahore he take pahua. 31:12 He pai tana e mea ai ki a ia, kahore hoki he kino, i nga ra katoa e ora ai ia. 31:13 E kimi ana ia i te huruhuru hipi, i te muka, a ka ngakau nui te mahi a ona ringa. 31:14 Ko tona rite kei nga kaipuke o nga kaihokohoko; e mauria mai ana e ia tana kai i tawhiti. 31:15 E maranga ana hoki ia i te mea e po tonu ana, a hoatu ana e ia he kai ma tona whare. me tetahi wahi ma ana kotiro. 31:16 E whakaaroaro ana ia ki tetahi mara, a ka hokona e ia: he hua hoki na ona ringa e whakato ana i te mara waina. 31:17 E whitiki ana ia i tona hope ki te kaha, e mea ana i ona takakau kia pakari. 31:18 Ka kite ia he pai tana i hokohoko ai: e kore tana rama e mate i te taha. po. 31:19 Ka totoro atu ona ringa ki te mea takai miro, ka pupuri ona ringa ki te pou muka. 31:20 Ka wherahia tona ringa ki te ware; ae ra, ka toro atu ia ki a ia ringa ki te hunga rawakore. 31:21 E kore ia e wehi i te hukarere mo tona whare: mo tona whare katoa he ngangana te kakahu. 31:22 Oti ake ia ia te whatuwhatu he whariki mona; he hiraka ona kakahu papura. 31:23 E mohiotia ana tana tane i nga kuwaha, ina noho tahi ia ki nga kaumatua o nga kuwaha te whenua. 31:24 E hanga ana e ia he rinena pai, a hokona atu ana; e hoatu ana i nga whitiki ki a koutou kaihokohoko. 31:25 He kaha, he honore ona kakahu; a ka hari ia i te wa e taea ai haere mai. 31:26 He nui ona whakaaro ina puaki tona mangai; kei tona arero te ture o atawhai. 31:27 Ka ata tirohia e ia nga ara o tona whare, e kore ano ia e kai taro o te mangere. 31:28 Ka whakatika ana tamariki, a he kupu manaaki ta ratou mona; ko tana tahu hoki, me ia e whakamoemiti ana ki a ia. 31:29 He tokomaha nga tamahine iu te pai o ta ratou mahi, otiia hira ake tau ia ratou katoa. 31:30 He mea teka noa te manako, he horihori te ataahua: ko te wahine ia e wehi ana ia koe E Ihowa, ka whakamoemititia ia. 31:31 Hoatu ki a ia o nga hua o ona ringa; ma ana mahi ano ia e whakamoemiti nga keti.