Matiu 15:1 ¶ Na ka haere ki a Ihu etahi karaipi me etahi Parihi no Hiruharama, ka mea, 15:2 He aha au akonga ka takahi ai i te whakarerenga iho a nga kaumatua? mo ratou kaua e horoi i o ratou ringa ina kai taro. 15:3 Na ka whakahoki ia, ka mea ki a ratou, He aha koutou i takahi ai i ta Ihowa? te whakahau a te Atua i runga i ta koutou whakarerenga iho? 15:4 I mea hoki te Atua, Whakahonoretia tou papa me tou whaea: a, Ki tera e kanga ana i te papa, i te whaea ranei, kia mate rawa ia. 15:5 Ko koutou ia hei mea, Ki te mea tetahi ki tona papa, ki tona whaea ranei, He a homai, ko nga mea katoa e pai ai ahau ki a koe; 15:6 Na kaua ia e whakahonore i tona papa. Koia ano ta koutou kua waiho e koutou ta koutou whakarerenga iho hei whakakahore mo te kupu a te Atua. 15:7 E te hunga tinihanga, tika rawa ta Ihaia i poropiti ai mo koutou, i mea ai, 15:8 Te iwi nei ko o ratou mangai hei whakahonore moku o ratou ngutu; matara noa atu ia i ahau o ratou ngakau. 15:9 Maumau karakia noa ratou ki ahau, ko ta ratou nei hoki e whakaako ai ko nga whakahau o nga tangata. 15:10 A karangatia ana e ia te mano, ka mea ki a ratou, Kia rongo, kia matau. 15:11 E kore te tangata e poke i te mea e tapoko ana ki te mangai; engari ko tera e puta mai ana i te mangai, ma tena e poke ai te tangata. 15:12 Me i reira ka haere mai ana akonga, ka mea ki a ia, E mohio ana koe e I he nga Parihi i to ratou rongonga i tenei kupu? 15:13 Na ka whakahoki ia, ka mea, Nga otaota katoa kahore i toku Matua i te rangi ka whakatokia, ka hutia ake. 15:14 Waiho atu ratou: he matapo ratou e arahi ana i te matapo. A ki te matapo arahina nga matapo, ka taka raua ki te rua. 15:15 Ka whakahoki a Pita, ka mea ki a ia, Whakaaturia ki a matou tenei kupu whakarite. 15:16 Ka mea a Ihu, Kei te kuware tonu ano koutou? 15:17 Kiano koutou i matau noa, ko nga mea katoa e tapoko atu ana ki te mangai ka riro katoa ki roto ki te kopu, a ka maka ki te poka? 15:18 Tena ko nga mea e puta mai ana i te mangai e puta ake ana i a koe ngakau; e whakapokea ana e ratou te tangata. 15:19 No roto hoki i te ngakau te putanga ake o nga whakaaro kino, o nga kohuru, o nga puremu, moepuku, tahae, whakapae teka, kohukohu: 15:20 Ko nga mea enei e noa ai te tangata: engari ko te kai me nga ringa kihai i horoia kahore e noa i te tangata. 15:21 ¶ Na ka haere atu a Ihu i reira, ka anga ki nga wahi o Taira, o Hairona. 15:22 Na, ko te haerenga mai i aua wahi o tetahi wahine, he Kanaani, ka tangi ki a ia, ka mea, E te Ariki, e te Tama a Rawiri, kia aroha ki ahau; taku ko te kotiro e ngaua kinotia ana e te rewera. 15:23 A kahore ana kupu i whakahoki ai ki a ia. Na ka haere mai ana akonga, ka tohe ki a ia, ka mea, Tukua ia kia haere; e karanga ana hoki i muri i a tatou. 15:24 Otira ka whakahoki ia, ka mea, Heoi nga mea i tonoa mai ai ahau, ko nga hipi ngaro a Ihowa whare o Iharaira. 15:25 Ka haere mai tera, ka koropiko ki a ia, ka mea, E te Ariki, kia puta tou whakaaro ki ahau. 15:26 Na ka whakahoki ia, ka mea, Ehara i te tika kia tangohia te taro a nga tamariki; kia maka atu ma nga kuri. 15:27 Ka mea tera, Ae ra, e te Ariki: e kai ana ano nga kuri i nga kongakonga e ngahoro ana mai i te tepu a o ratou rangatira. 15:28 Katahi ka whakahoki a Ihu, ka mea ki a ia, E tai, nui atu tou whakapono: waiho ki tau i pai ai. Na kua ora tana tamahine taua haora ano. 15:29 Na ka whakatika a Ihu i reira, ka haere ki te taha o te moana o Kariri; a kake ana ki runga ki te maunga, noho ana i reira. 15:30 He rahi hoki te hui i haere ki a ia, ia ratou ano te hunga nga kopa, nga matapo, nga wahangu, nga mutu, me te tini ke atu, a maka ana e ratou ki raro ki te aroaro o Ihu. waewae; a whakaorangia ana ratou e ia. 15:31 Na miharo ana te mano i to ratou kitenga i te wahangu e korero ana. ko nga mutu e ora ana, ko nga kopa e haere ana, ko nga matapo e titiro ana: a ko ratou whakakororiatia ana te Atua o Iharaira. 15:32 Na ka karanga a Ihu ki ana akonga, ka mea, E aroha ana ahau te mano, no te mea ka toru nei o ratou ra e noho ana ki ahau, a kua whai kahore he kai: e kore hoki ratou e tonoa pukutia e ahau, kei hemo ratou i te ara. 15:33 Na ko te meatanga a ana akonga ki a ia, No hea a tatou taro i roto i tenei? te koraha, e ki ai tenei ope nui? 15:34 Na ka mea a Ihu ki a ratou, E hia a koutou taro? Na ka mea ratou, E whitu, me etahi ika iti. 15:35 Na ka mea ia ki te mano kia noho ki te whenua. 15:36 A ka mau ia ki nga taro e whitu, ki nga ika; ka whakawhetai, ka whawhati ratou, a hoatu ana ki ana akonga, a na nga akonga ki te mano. 15:37 A kai katoa ana ratou, a ka makona: a kohia ake ana nga whatiwhatinga i kohia e ratou ko nga kai i toe e whitu nga kete, ki tonu. 15:38 A, ko te hunga i kai, e wha mano nga tane, haunga nga wahine me nga tamariki. 15:39 Na ka tonoa atu e ia te mano, ka eke ia ki te kaipuke, ka u ki nga takutai o Makarini.