Matiu 5:1 ¶ A, i tona kitenga i te huihui, ka kake ia ki te maunga: a ka noho ka tu, ka haere mai ana akonga ki a ia. 5:2 Na ka puaki tona mangai, a ka whakaako ia i a ratou, ka mea, 5:3 Ka koa te hunga he rawakore nei te wairua: no ratou hoki te rangatiratanga o te rangi. 5:4 Ka koa te hunga e tangi ana: ka whakamarietia hoki ratou. 5:5 Ka koa te hunga ngakau mahaki: ka riro hoki ia ratou te whenua. 5:6 Ka koa te hunga e hiakai ana, e hiainu ana, ki te tika: no te mea ka whakakiia ratou. 5:7 Ka koa te hunga tohu tangata: e tohungia hoki ratou. 5:8 Ka koa te hunga ngakau ma: e kite hoki ratou i te Atua. 5:9 Ka koa te hunga hohou rongo: ka huaina hoki ratou he tamariki na te Atua. 5:10 Ka koa te hunga e whakatoia ana mo te tika: no te mea no ratou te rangatiratanga o te rangi. 5:11 Ka koa koutou ina tawai mai nga tangata i a koutou, ina whakatoi, ina whakatoi korero teka katoa nga kino ki a koutou, he whakaaro ki ahau. 5:12 Kia hari, kia whakamanamana: he rahi hoki te utu mo koutou i te rangi he pena ano ta ratou whakatoi i nga poropiti i mua ia koutou. 5:13 Ko koutou te tote o te whenua: otira ki te hemo te ha o te tote, ma te aha e tote ai? kare he pai mo muri ake nei, ko te ka peia atu, ka takatakahia ki raro i nga waewae o te tangata. 5:14 Ko koutou te whakamarama o te ao. E kore e taea te pa kua tu ki runga pukepuke huna. 5:15 E kore hoki e tahuna te rama, e waiho ki raro i te puhera, engari ki runga turanga rama; a ka tiaho ki nga tangata katoa i roto i te whare. 5:16 Waihoki kia tiaho to koutou marama ki te aroaro o nga tangata, kia kite ai ratou i a koutou mahi pai. a whakakororiatia to koutou Matua i te rangi. 5:17 Kei mea koutou i haere mai ahau ki te whakakahore i te ture, i nga poropiti ranei; haere mai ki te whakangaro, engari ki te whakatutuki. 5:18 He pono hoki taku e mea nei ki a koutou, Pahemo noa te rangi me te whenua, kotahi te iota, kotahi ranei e kore rawa e pahemo tetahi tohu o te ture, kia rite katoa ra ano. 5:19 Na, ki te takahi tetahi i tetahi o enei kupu iti rawa, a ka whakaako i nga tangata kia penei, ka kiia ia ko te iti rawa i te rangatiratanga o te rangi: otira ki te mahi tetahi, ki te whakaakona, ka kiia ko ia nui i te rangatiratanga o te rangi. 5:20 Ko taku kupu hoki tenei ki a koutou, Ki te kore e nui ake to koutou tika i to te tika a nga karaipi ratou ko nga Parihi, e kore rawa koutou e tomo ki te rangatiratanga o te rangi. 5:21 Kua rongo koutou, i korerotia ki nga tupuna, Kaua e patu tangata; a ki te patu tangata tetahi, ka tau te he ki a ia. 5:22 Na ko taku kupu tenei ki a koutou, Ki te riri tetahi ki tona teina, kahore he a ka tau te he ki te whakawa: a ki te korero tetahi ki tana teina, Raka, ka tau ki te runanga: engari ki te pena tetahi mea atu, Kuware, ka tau ki te kapura o Kehena. 5:23 Na ki te mauria e koe tau whakahere ki te aata, a ka mahara i reira he kino ta tou teina ki a koe; 5:24 Waiho tau whakahere i reira, i mua o te aata, a haere; tuatahi kia houhia te rongo ki tou teina, katahi ka haere mai ki te mau i tau mea homai noa. 5:25 Kia hohoro te whakarite ki tou hoa tauwhainga, i a koe i te ara me ia; kei tukua koe e te hoariri ki te kaiwhakawa, ki te kaiwhakawa hoatu koe ki te katipa, ka maka koe ki te whare herehere. 5:26 He pono taku e mea nei ki a koe, E kore rawa koe e puta i reira, kia kua utua e koe te tino patene. 5:27 Kua rongo koutou, i korerotia ki nga tupuna, Kauaka puremu: 5:28 Na ko taku kupu tenei ki a koutou, Ki te titiro tetahi ki te wahine, ka hiahia ki a ia kua puremu ke ia ki a ia i roto i tona ngakau. 5:29 Ki te he koe i tou kanohi matau, tikarohia, maka atu i roto i a koe. he pai ke hoki mou ki te mate tetahi wahi ou, a ka mate ehara i te mea kia maka tou tinana katoa ki Kehena. 5:30 Na, ki te he koe i tou ringa matau, poutoa, maka atu i roto i a koe. he pai ke hoki mou ki te mate tetahi wahi ou, a ka mate ehara i te mea kia maka tou tinana katoa ki Kehena. 5:31 I korerotia, Ki te whakarere tetahi i tana wahine, me hoatu e ia a te tuhi o te whakarere: 5:32 Na ko taku kupu tenei ki a koutou, Ki te whakarere tetahi i tana wahine, haunga ano ko te take mo te moepuku, e mea ai ia kia puremu: me te tangata ano ka marenatia ki te wahine i whakarerea e puremu ana. 5:33 Kua rongo ano koutou, i korerotia ki nga tupuna, Ko koe kei oati teka koe, engari me whakamana au oati ki a Ihowa: 5:34 Na ko taku kupu tenei ki a koutou, Kaua rawa tetahi mea e oatitia; kaua te rangi; na te Atua hoki torona: 5:35 Kaua hoki te whenua; ko tona turanga waewae hoki tena: kaua hoki a Hiruharama; mo tena ko te pa o te Kingi nui. 5:36 Kaua ano e oatitia tou matenga, e kore hoki e taea e koe te mea kotahi makawe ma, pango ranei. 5:37 Erangi ko tenei hei kupu ma koutou, Ae, ae; Kahore, kahore: mo nga mea katoa nui atu i enei na te kino. 5:38 Kua rongo koutou i korerotia, He kanohi mo te kanohi, he niho mo te kanohi he niho: 5:39 Na ko taku kupu tenei ki a koutou, Kaua e whakauaua atu ki te kino: engari ma te tangata e patu tou paparinga matau, whakaangahia atu hoki tera ki a ia. 5:40 A ki te mea tetahi kia whakawakia koe, ka tangohia tou koti, tukua ia ki te whakawa. kia mau ano hoki tou koroka. 5:41 A ki te tonoa koe e tetahi kia haere kotahi te maero, kia rua au e haere tahi ai me ia. 5:42 Hoatu ki te tangata e tono mea ana ia koe, ki te tangata hoki e mea ana ki te taonga tarewa i a koe kaua e tahuri atu. 5:43 Kua rongo koutou i korerotia, Kia aroha koe ki tou hoa tata, a kino ki tou hoa riri. 5:44 Na ko taku kupu tenei ki a koutou, Arohaina o koutou hoa whawhai, manaakitia te hunga e kanga ana i a koutou he pai ki te hunga e kino ana ki a koutou, me inoi mo te hunga e whakawhiu ana koutou, e whakatoi ana i a koutou; 5:45 Kia ai koutou hei tamariki ma to koutou Matua i te rangi: ko ia hoki e mea nei i tona ra kia whiti ki runga ki te hunga kino, ki te hunga pai, kia ua hoki te ua mo te hunga tika, mo te hunga he. 5:46 Ki te aroha hoki koutou ki te hunga e aroha ana ki a koutou, he aha te utu e riro ia koutou? kaua rawa te nga pupirikana ano? 5:47 A ki te oha koutou ki o koutou teina anake, he aha ta koutou mahi i nui ake i ta etahi? kaua me nga pupirikana ano? 5:48 Na kia tika koutou, kia pera me to koutou Matua i te rangi e tika ana tino tika.