Mark 3:1 ¶ A ka tomo atu ano ia ki te whare karakia; na i reira tetahi tangata he ringa memenge. 3:2 A ka whakamau ta ratou titiro ki a ia, me kore ia e whakaora ia ia i te hapati; tera kei he ratou ki a ia. 3:3 Na ka mea ia ki te tangata i te ringa memenge, Whakatika ki waenganui. 3:4 Na ka mea ia ki a ratou, He mea tika ranei te mahi pai i te hapati? ki te mahi kino? ki te whakaora, ki te whakamate ranei? Heoi kihai ratou i kiki. 3:5 Na ka tirotiro riri ia ki a ratou, ka pouri hoki te pakeke o o ratou ngakau, ka mea ia ki taua tangata, Totoro mai tou ringa. A, ko te toronga atu o tona ringa, kua ora atu. 3:6 Na ka haere atu nga Parihi, ka korerorero ki a ratou Nga Heroriana ki a ia, me pehea e whakangaromia ai ia. 3:7 Na ka maunu atu a Ihu ratou ko ana akonga ki te moana: he nui hoki he tokomaha i aru ia ia i Kariri, i Huria; 3:8 I Hiruharama, i Irumia, i tawahi hoki o Horano; a ratou ki Taira, ki Hairona, nui atu te hui, i to ratou rongonga i te nui nga mea i mahia e ia, ka tae mai ki a ia. 3:9 Na ka mea ia ki ana akonga kia noho tata mai tetahi kaipuke iti ki a ia i te mano hoki, kei tutetute ratou ki a ia. 3:10 He tokomaha hoki i whakaorangia e ia; no ka tohe ki a ia kia pa atu ia ia, te hunga katoa e mate ana. 3:11 Me nga wairua poke hoki, i to ratou kitenga ia ia, takoto ana ki tona aroaro, ka karanga, ka mea, Ko te Tama koe a te Atua. 3:12 A he maha ana kupu ki a ratou kia kaua ia e whakaaturia e ratou. 3:13 Na ka kake ia ki te maunga, karangatia ana ki a ia ana i pai ai: a ka haere mai ratou ki a ia. 3:14 A kotahi tekau ma rua i whakaritea e ia hei hoa mona, kia kaha ai hoki tonoa ratou ki te kauwhau, 3:15 Kia whai mana hoki e ora ai nga mate, e pei rewera ai. 3:16 A huaina iho e ia a Haimona ko Pita; 3:17 Ko Hemi, tama a Heperi, raua ko Hoani teina o Hemi; a ko ia huaina iho ratou ko Poaneki, ara ko nga tama a te whatitiri. 3:18 Ko Anaru, ko Piripi, ko Patoromu, ko Matiu, ko Tamati, me ko Hemi tama a Arapiu, ko Tariu, ko Haimona Kanaani; 3:19 Ko Hura Ikariote hoki, nana nei ia i tuku: ka tomo ratou ki roto whare. 3:20 Na ka huihui ano te mano, kihai rawa i taea e ratou hei kai taro. 3:21 A, no ka rongo ona hoa, ka haere ki te pupuri i a ia; ka mea ratou, He porangi ia. 3:22 Na ka mea nga karaipi i haere mai ra i Hiruharama, Kei a ia a Perehepura; na te rangatira o nga rewera tana peinga rewera. 3:23 Na ka karangatia ratou e ia, a ka korero whakarite ki a ratou, Me pehea? Ka peia e Hatana a Hatana? 3:24 Ki te tahuri iho hoki tetahi rangatiratanga ki a ia ano, e kore taua rangatiratanga e tu. 3:25 Ki te tahuri iho hoki tetahi whare ki a ia ano, e kore taua whare e tu. 3:26 Ki te whakatika a Hatana ki a ia ano, a ka tahuri iho, e kore ia e tu; engari he mutunga tona. 3:27 E kore te tangata e ahei te tomo ki te whare o te tangata kaha, pahua ai i ona taonga, ki te kahore mana e matua here te tangata kaha; a ka pahuatia e ia tona whare. 3:28 He pono taku e mea nei ki a koutou, Ka murua nga hara katoa o nga tama a te tangata. me nga kohukohu e kohukohu ai ratou: 3:29 Tena ko te tangata e kohukohu ki te Wairua Tapu, kahore rawa atu te murunga hara, engari kei te mate mo te mate mutungakore: 3:30 Mo ratou i ki, He wairua poke tona. 3:31 A, ko te taenga mai o ona teina ratou ko tona whaea, ka tu i waho, ka tono tangata mai ki a ia, e karanga ana ki a ia. 3:32 Na e noho ana te mano i tetahi taha ona, i tetahi taha, a ka mea ratou ki a ia, Na, tou ko te whaea me ou teina kei waho, e rapu ana ia koe. 3:33 Na ka whakahoki ia ki a ratou, ka mea, Ko wai toku whaea, ko wai hoki oku teina? 3:34 Na ka tirotiro ia ki te hunga e noho ana i tetahi taha ona, i tetahi taha, ka mea, Na toku whaea me oku teina! 3:35 Ki te meatia hoki e tetahi ta te Atua i pai ai, hei teina ia ki ahau te tuahine, me te whaea.