Hopa 22:1 ¶ Katahi a Eripata Temani ka oho; i mea ia, 22:2 E whai pai ano ranei te Atua i te tangata? ki a ia ano? 22:3 He oranga ngakau ranei ki te Kaha Rawa tou tika? he mea ranei he taonga ki a ia, i meinga ai e koe ou ara kia tino tika? 22:4 E riri ranei ia i a koe? e tomo tahi ranei ia me koe ki roto whakawa? 22:5 He teka ianei he nui tou he? a kahore he mutunga o ou kino? 22:6 I tangohia noatia hoki e koe nga mea a tou teina hei taunaha, huia ana e koe te hunga e noho tahanga ana o ratou kakahu. 22:7 Kihai i whakainumia e koe ki te wai te hunga ngenge; kaiponuhia te taro ki te hunga hiakai. 22:8 Ko te tangata marohirohi, ia ia te whenua; me te tangata honore noho ana i roto. 22:9 Ko nga pouaru, unga rawakoretia atu ana e koe, mau tonu nga ringa o nga pani kua pakaru. 22:10 Na reira karapotia putia ana koe e nga mahanga, raruraru ana koe i te wehi pa whakarere; 22:11 I te pouri ranei, e kore ai koe e kite; me te nui o nga wai e taupoki ana koe. 22:12 He teka ianei kei te wahi tiketike o te rangi te Atua? titiro atu ki te tiketike o nga whetu. te teitei o ratou! 22:13 A e mea na koe, He aha ta te Atua e mohio ai? e whakawa ranei ia i roto i te kapua pouri? 22:14 Ko tona wahi ngaro ko nga kapua matotoru, te kite ia; a ka haere ia ki roto te taiawhiotanga o te rangi. 22:15 Ka mau tonu ranei koe ki te ara o mua, i haerea ra e nga tangata kikino? 22:16 He mea tapahi mai i te mea kahore ano i rite te wa; waipuke: 22:17 I mea nei ki te Atua, Mawehe atu ia matou; a he aha ta te Kaha Rawa e mea ai? ratou? 22:18 Heoi i whakakiia e ia o ratou whare ki nga mea papai: ko te whakaaro ia o Ihowa kei tawhiti atu te tangata kino i ahau. 22:19 ¶ Ka kite te hunga tika, a ka hari: ka kata te hunga harakore ki a ratou whakahi. 22:20 He ahakoa ra kahore a tatou rawa i tapahia, ko te toenga iho o ratou he ahi ka pau. 22:21 Waiho ia hei hoa mou, katahi koe ka ata noho; ma reira e puta mai ai te pai ki a koe. 22:22 Tahuri mai ra ki te ture a tona mangai, rongoatia hoki ana kupu ki roto. tou ngakau. 22:23 Ki te hoki koe ki te Kaha Rawa, tera koe e hanga, ka whakairia kia matara atu te he i ou tapenakara. 22:24 A ka whakapurangatia e koe te koura ki te puehu, te koura o Opira ki runga ki nga kohatu o nga awaawa. 22:25 Ae ra, ko te Kaha Rawa hei whakangungu rakau mou, a he maha ou taonga. hiriwa. 22:26 Ko reira hoki koe ahuareka ai ki te Kaha Rawa, a ka ara koe. tou mata ki te Atua. 22:27 Ka inoi koe ki a ia, a ka whakarongo mai ia ki a koe, me koe hoki ka whakamana au kupu taurangi. 22:28 Ka whakatakotoria hoki e koe he tikanga, a ka whakapumautia ki a koe. a ka whiti te marama ki runga ki ou ara. 22:29 Ki te maka koe ki raro, ka ki koe, Tenei ano he whakaarahanga ake; a ko ia ka ora te tangata whakaiti. 22:30 Ka whakaorangia e ia te motu o te hunga harakore, a ka mawhiti e Ihowa te ma o ou ringa.