Hopa 21:1 Na ka whakautu a Hopa, ka mea, 21:2 Ata whakarongo mai ki taku korero, a hei tenei he kupu whakamarie mai ma koutou. 21:3 Tukua ahau, a ka korero ahau; a ka mutu taku korero, tawai mai. 21:4 Ko ahau nei, ki te tangata koia taku amuamu? a ki te penei, he aha ra taku ka pouri te wairua? 21:5 Titiro mai ki ahau, miharo ai; kopania atu o koutou ringa ki o koutou mangai. 21:6 Mahara noa ahau, ka wehi, mau pu te wiri ki oku kikokiko. 21:7 He aha te hunga kino i ora ai, i koroheke ai, ae, i marohirohi ai to ratou kaha? 21:8 Pumau tonu o ratou uri ki to ratou aroaro ki a ratou, me o ratou uri i mua i o ratou kanohi. 21:9 O ratou whare kei runga i te rangimarie, kahore he wehi, kahore hoki a te Atua patu ki a ratou. 21:10 E whanau ana ta ratou puru, kahore hoki e he; ka whanau ta ratou kau, ka whakapakeke ehara i tana kuao kau. 21:11 E tukua mai ana e ratou a ratou kohungahunga ano he kahui hipi, me a ratou tamariki kanikani. 21:12 He hunga mau ratou ki te timipera, ki te hapa, e koa ana ki te tangi o te okana. 21:13 O ratou ra pau tonu i runga i te taonga, kitea rawatia ake kua heke ki te reinga. 21:14 Koia ratou i mea ai ki te Atua, Mawehe atu ia matou; kahore hoki matou e hiahia te mohio ki ou ara. 21:15 He aha ra te Kaha Rawa e mahi ai matou ki a ia? me pehea hoki te hua kei a tatou ano, ki te inoi tatou ki a ia? 21:16 Nana, kahore he pai mo ratou i o ratou ringa: matara noa atu te whakaaro o te hunga kino mai i ahau. 21:17 ¶ Ano te maha o nga matenga o te rama a te hunga kino! me te maha o to ratou taenga mai te whakangaromanga ki runga ki a ratou! Te tuwha mai ra te Atua i nga mamae i a ia e riri ana. 21:18 E rite ana ratou ki te kakau witi i mua i te hau, ki te papapa e pa ana ki te tupuhi ka haria atu. 21:19 E rongoatia ana e te Atua tona kino hei mea mo ana tamariki; mana e utu ki a ia, a ko ia ano ka mohio. 21:20 Ka kite ona kanohi i tona hunanga, a ka inu ia i te riri o Ihowa te Kaha Rawa. 21:21 He aha hoki tana manako ki tona whare i muri i a ia? kua motuhia nga marama i waenganui? 21:22 E whakaako ranei tetahi i te Atua ki te matauranga? e whakawa ana hoki ia mo te hunga tiketike. 21:23 Ka mate tetahi i te tino kaha o tona kaha, u ana tona ngakau, ata noho. 21:24 Ki tonu ona u i te waiu, ae makuku ana ona wheua i te hinu wheua. 21:25 Ka mate tetahi atu kawa tonu tona wairua, kahore hoki ona kai tahi ahuareka. 21:26 Ka takoto ngatahi raua ki te puehu, a ka taupokina raua e te iro. 21:27 Nana, e mohio ana ahau ki o koutou whakaaro, ki o koutou whakaaro he whakaaro ki ahau. 21:28 E ki ana hoki koutou, Kei hea te whare o te rangatira? kei hea hoki te nohoanga nga wahi o te hunga kino? 21:29 Kahore ianei koutou i ui ki te hunga e haere ana i te ara? kahore koutou e mohio ki a ratou tohu, 21:30 Kei te rongoa nei hoki te tangata kino mo te ra o te whakangaromanga? ka waiho ratou whakaputaina mai ki te ra o te riri. 21:31 Ma wai e whakaatu tona ara ki tona aroaro? a ma wai e hoatu he utu ki a ia kua mahi? 21:32 Heoi ka kawea ia ki te urupa, noho ai ki te urupa. 21:33 Ka reka ki a ia nga pokuru o te awaawa, a ka reka nga tangata katoa whaia ia, he tokomaha hoki i mua ia ia. 21:34 He pehea ra ta koutou whakamarie noa i ahau, e toe na hoki ta koutou kupu e whakahoki mai ai teka?