Hopa 11:1 Ano ra ko Topara Naamati; i mea ia, 11:2 Kaua ranei hei whakautua te tini o nga kupu? me te tangata ki tonu i te ka tika te korero? 11:3 Ma au korero teka e mamu ai nga tangata? a ka tawai koe, ka pena kahore he tangata hei whakama ia koe? 11:4 E mea ana hoki koe, He tino tika taku whakaako, a he ma ahau ki ou kanohi. 11:5 Aue, me i korero te Atua, me i puaki mai ona ngutu ki te whakahe ia koe! 11:6 Me i whakaaturia mai e ia ki a koe nga mea ngaro o te matauranga, te huhua o nga korero ki tera! Na kia mohio koe he iti iho i to te Atua ta te Atua e tono nei ki a koe e tika ana mo tou kino. 11:7 Ina whakatakina e koe, e kitea ranei e koe te Atua? e kitea ranei e koe te Kaha Rawa? ki te tino tika? 11:8 Kei te rangi te tiketike; ka aha koe? hohonu atu i te reinga; aha ka mohio koe? 11:9 Ko tona ruri, roa atu i te whenua, whanui atu i te moana. 11:10 Ki te mea ka haukotia e ia, ka tutakina ranei, ka huihuia ranei, ma wai ia e arai? 11:11 E mohio ana hoki ia ki nga tangata tekateka noa: e kite ana ia i te kino; e kore ranei ia whakaarohia? 11:12 A ko te mea whakaarokore nei, ko te tangata kahore rawa ona whakaaro, ae ra, to te tangata rite i tona whanautanga kei te kuao kaihe mohoao. 11:13 Ki te whakatikaia e koe tou ngakau, a ka wherahia ou ringa ki a ia; 11:14 Ki te mea he he kei tou ringa, whakamataratia atu, kaua hoki e tukua te kino. noho i roto i ou tapenakara. 11:15 Ko reira hoki ara ai tou mata, te ai he ira; ae ra, ka waiho koe kia u, kaua e mataku. 11:16 Tera hoki koe e wareware ki tou mauiui; ae maharatia e koe ano ko nga wai pahemo: 11:17 A ko tou tau tera e marama ke atu i to te poutumarotanga o te ra: ka whiti koe. ka rite koe ki te ata. 11:18 Ka tatu ou whakaaro, no te mea ka whai tumanakohanga atu; ae ra, mau e keri a ka noho humarie koe. 11:19 E takoto iho ano koe, te ai he kaiwhakawehi; ae, maha ka pai ki a koe. 11:20 Ka poko ia nga kanohi o te hunga kino, kore ake e mawhiti; ko ta ratou e tumanako atu ai ko te hemonga.