Nga Kai-whakawa 13:1 Na ka mahi kino ano nga tamariki a Iharaira i te tirohanga a Ihowa; a Na ka hoatu ratou e Ihowa ki te ringa o nga Pirihitini, e wha tekau tau. 13:2 Na ko tetahi tangata o Toraha no te hapu o nga Rani; ko Manoa tona ingoa; he pakoko hoki tana wahine, kahore i whanau tamariki. 13:3 Na ka puta te anahera a Ihowa ki te wahine, ka mea ki a ia, Nana, he pakoko koe, kahore hoki i whanau tamariki: otiia ka hapu koe, ka whanau he tama. 13:4 Na kia tupato, kaua e inumia he waina, he wai whakahaurangi ranei. kaua ano e kainga tetahi mea poke. 13:5 No te mea ka hapu koe, a ka whanau he tama; e kore ano he heu e mau tona matenga: hei Natari hoki tena tamaiti ki te Atua no te kopu mai ano: a mana e timata te whakaora ia Iharaira i roto i te ringa o nga Pirihitini. 13:6 Na haere ana te wahine, korero ana ki tana tahu, ka mea, Kua tae mai te tangata a te Atua ki a ia ahau, ko tona ahua kei te ahua o te anahera a te Atua. tino wehi rawa: heoi kihai ahau i ui no hea ia, kihai hoki i korero mai ki ahau tona ingoa: 13:7 Otiia i ki mai ia ki ahau, Ka hapu koe, a ka whanau he tama; a tena ra kaua e inumia he waina, he wai whakahaurangi ranei, kaua ano e kainga tetahi mea poke: no te mea hei Natari te tamaiti ki te Atua no te kopu mai ano a tae noa ki tona ra mate. 13:8 Na ka inoi a Manoa ki a Ihowa, ka mea, E toku Ariki, tukua te tangata a te Atua ka hoki mai ano ki a matou, ka whakaakona matou ki ta matou e mea ai ki te tamaiti ka whanau. 13:9 A i rongo te Atua ki te reo o Manoa; a ka haere mai te anahera a te Atua ka hoki ano ki te wahine ia ia e noho ana i te parae; ko Manoa ia tana tahu kaua ki a ia. 13:10 Na hohoro tonu te wahine, oma ana, korero ana ki tana tahu, ka korero ki a ia ia, Nana, kua puta mai ki ahau te tangata i haere mai nei ki ahau tetahi rā. 13:11 Na ka whakatika a Manoa, a aru ana i tana wahine, a ka tae ki taua tangata, ka mea ki a ia, Ko koe ranei te tangata i korero ra ki te wahine? Ka mea ia, Ko ahau am. 13:12 Na ka mea a Manoa, Kia mana ra tau kupu. Me pehea ta matou ota i te E tama, me pehea tatou ki a ia? 13:13 Ka mea te anahera a Ihowa ki a Manoa, Ko nga mea katoa i korero ai ahau ki a Ihowa wahine kia tupato ia. 13:14 Kaua ia e kai i nga mea i puta mai i te waina, kaua ano hoki e tukua inu waina, wai whakahaurangi ranei, kaua ano e kainga tetahi mea poke: ko taku katoa ka whakahau ia kia mau. 13:15 Na ka mea a Manoa ki te anahera a Ihowa, Tena ra, me pupuri taua kia taka ra ano e maua he kuao koati mau. 13:16 Na ka mea te anahera a Ihowa ki a Manoa, Ahakoa pupuri noa koe i ahau e kore koe e kai i tau taro: a ki te whakaekea e koe he tahunga tinana, na me whakahere ma Ihowa. Kihai hoki a Manoa i mohio he anahera ia na a Ihowa. 13:17 Na ka mea a Manoa ki te anahera a Ihowa, Ko wai tou ingoa? ka tutuki au kupu hei whakahonore ma matou i a koe? 13:18 Na ka mea te anahera a Ihowa ki a ia, He aha koe i ui mai ai ki ahau? ingoa, he mea ngaro? 13:19 Heoi ka tikina e Manoa tetahi kuao koati me tetahi whakahere totokore, a whakaekea ana e ia ki runga ki te kamaka ki a Ihowa: a he mea whakamiharo te mahi a te anahera; ko Manoa raua ko tana wahine titiro atu. 13:20 I te putanga ake hoki o te mura i runga i te rangi whaka te rangi te aata, na kua kake atu te anahera a Ihowa i roto i te mura o te aata. A, i te kitenga o Manoa raua ko tana wahine, tapapa ana raua ki a Ihowa whenua. 13:21 Kihai ia i puta mai ano te anahera a Ihowa ki a Manoa raua ko tana wahine. Katahi a Manoa ka mohio he anahera ia na Ihowa. 13:22 Na ka mea a Manoa ki tana wahine, Ka mate rawa taua; i kite hoki taua te Atua. 13:23 Ano ra ko tana wahine ki a ia, Me i pai mai a Ihowa ki te whakamate i a taua; e kore e riro mai he tahunga tinana me te whakahere totokore i a matou ringa, kihai hoki i pai kia whakakitea mai e ia enei mea katoa ki a matou, kihai ano hoki i pai kua korerotia mai enei mea ki a matou i tenei wa. 13:24 Na ka whanau taua wahine, he tama, a huaina ana e ia tona ingoa ko Hamahona: a ko taua tamaiti ka tupu, a ka manaakitia e Ihowa. 13:25 Na ka timata te wairua o Ihowa te whakaohooho ia ia i etahi wa i te puni o Rana i waenganui o Toraha, o Ehetaoro.