Ihaia 15:1 Ko te poropititanga mo Moapa. He po ano ka ngaro a Ara o Moapa, a kawea ki te wahangu; he po ano ka ngaro a Kiri o Moapa, a kawea ki te wahangu; 15:2 Kua riro ia ki runga ki Paiti, ki Ripono, ki nga wahi tiketike tangi ai: Moapa ka aue ki a Nepo raua ko Merepa: ka mau ki runga ki o ratou mahunga katoa pakira, tapahia katoatia ana nga kumikumi. 15:3 Ko o ratou whitiki io ratou ara he kakahu taratara: o runga rawa o ratou whare, i o ratou huarahi ka aue ratou katoa, tangi ana nui rawa. 15:4 Ka hamama hoki a Hehepona raua ko Ereare: ka rangona to ratou reo i tae ra ano Iahata: Mo reira hamama ana nga mau patu o Moapa; tona oranga ka pouri ki a ia. 15:5 E tangi ana toku ngakau ki a Moapa; ka rere ona morehu ki Toara, a he kau e toru nei ona tau: i te pikitanga atu hoki ki Ruhiti me te tangi me eke ranei ki runga; kei te ara hoki o Horonaima ka whakaarahia e ratou a tangi o te whakangaromanga. 15:6 Ka takoto kau noa nga wai o Nimirimi: kua maroke hoki te tarutaru haere atu, kua memenge te tarutaru, kahore he mea matomato. 15:7 Na reira nga mea maha i whiwhi ai ratou, me nga mea i whakatakotoria e ratou ki runga, ka kawea ki te awa i nga wirou. 15:8 Kua taiawhiotia hoki nga rohe o Moapa e te karanga; te auetanga ki Ekeraima, tona aue ki Peerimi. 15:9 Kei te ki hoki nga wai o Rimono i te toto; ki runga ki Rimono, he raiona ki te hunga e mawhiti ana o Moapa, ki runga ano i nga morehu o te whenua.