Ihaia 12:1 A i taua ra ka mea koe, Ka whakamoemiti ahau ki a koe, e Ihowa; I riri mai koe ki ahau, kua tahuri atu tou riri, a kei te whakamarie koe i ahau. 12:2 Nana, ko te Atua toku whakaoranga; Ka whakawhirinaki ahau, e kore ano e wehi: no te mea Ko Ihowa, ko Ihowa toku kaha, taku waiata; ko ia ano hoki hei oranga moku. 12:3 Na ka utu wai koutou i runga i te koa i roto i nga puna o te whakaoranga. 12:4 Ka mea ano hoki i taua ra, Whakamoemititia a Ihowa, karanga ki tona ingoa; whakapuakina ana mahi ki roto ki nga iwi: korerotia atu ko tona ingoa whakanuia. 12:5 Waiata ki a Ihowa; he pai rawa hoki ana mahi: e mohiotia ana tenei te whenua katoa. 12:6 Hamama, kia nui te reo, e te wahine e noho ana i Hiona, he nui hoki te Mea Tapu o Hiona. Iharaira i waenganui i a koe.