Hosea 6:1 Haere mai, tatou ka hoki ki a Ihowa: nana hoki i haehae, a mana ano e pai whakaorangia matou; nana i patu, mana ano tatou e takai. 6:2 Kia rua nga ra ka whakaorangia tatou e ia: i te toru o nga ra ka whakaarahia tatou e ia; a ka ora tatou ki tona aroaro. 6:3 Na kia mohio tatou, ki te whai tatou kia mohio ai ki a Ihowa: ko tona putanga mai ano rite tonu ki te ata; ko tona taenga mai ano he ua ki a tatou, ka pera me te ua o muri me to mua ua ki te whenua. 6:4 Me pehea koe e ahau, e Eparaima? Me aha ahau, e Hura? koe? rite tonu hoki to koutou pai ki te kapua o te ata, ki te tomairangi o te atatu ka haere atu. 6:5 Na reira taku hahau ia ratou ki nga poropiti; kua patua ratou e ahau ki te nga kupu a toku mangai: ko au whakaritenga ka rite ki te putanga ake o te marama. 6:6 Ko taku hoki i pai ai ko te tohu tangata, haunga te patunga tapu; me te mohio ki te Atua atu i nga tahunga tinana. 6:7 Otiia kua pera ta ratou i ta te tangata ra, kua whakataka e ratou te kawenata: mahi ana ratou i reira he mahi tinihanga ki ahau. 6:8 He pa a Kireara no nga kaimahi i te he, poke tonu i te toto. 6:9 Rite tonu hoki ki ta nga taua pahua e whanga ana ki te tangata te ropu o nga tohunga kohuru i te ara he mea whakaae noa: kua mahi hoki ratou i te he. 6:10 He hanga whakawehi taku i kite ai ki te whare o Iharaira: kei reira te te moepuku o Eparaima, kua poke a Iharaira. 6:11 Kua rite hoki he kotinga mau, e Hura, ina whakahokia mai e ahau te te whakarau o toku iwi.