Hosea 3:1 Na ka mea a Ihowa ki ahau, Haere ano, arohaina tetahi wahine e arohaina ana e tona hoa; he wahine puremu ano ia, i runga i te aroha o Ihowa ki nga tamariki o Iharaira, e titiro nei ki nga atua ke, e matenui ana ki nga karepe waina. 3:2 Na hokona ana ia e ahau maku ki nga pihi hiriwa kotahi tekau ma rima ki te homa parei, me te hawhe homa parei: 3:3 A ka ki atu ki a ia, Kia maha nga ra e noho ai koe he mea taumau maku; e kore koe moepuku, a kaua e riro i te tane: ka pena ano ahau hei mou. 3:4 He maha hoki nga ra e noho ai nga tama a Iharaira, kahore he kingi; kahore he rangatira, kahore he patunga tapu, kahore he whakapakoko, a kahore he epora, kahore he terapimi. 3:5 Muri iho ka hoki mai nga tama a Iharaira, ka rapu ia Ihowa, i to ratou ko te Atua, ko Rawiri hoki to ratou kingi; ka wehi ki a Ihowa, ki tona pai hoki nga ra whakamutunga.