Hosea 2:1 Mea atu koutou ki o koutou tuakana, Ami; ki o koutou tuahine hoki, ki a Ruhama. 2:2 Whakawakia to koutou whaea, whakawakia: ehara hoki ia i te wahine naku, ehara ano hoki ahau ia ia tane: na, me whakarere e ia ana moepuku i tona aroaro, a ana puremu i waenganui i ona u; 2:3 Kei tangohia e ahau ia kia noho tahanga, kei waiho kia rite ki to te ra i whanau ai ia, a meinga ia hei koraha, waiho kia rite ki te whenua maroke, whakamatea hoki matewai. 2:4 E kore ano ana tamariki e tohungia e ahau; he tamariki hoki ratou na moepuku. 2:5 Kua kairau nei hoki to ratou whaea: kua whanau tera i roto ia ratou i mea hoki ia, Ka whai ahau i aku i aroha ai i homai ai ki ahau Ko taku taro me taku wai, ko taku huruhuru hipi, me taku muka, ko taku hinu, me taku inu. 2:6 Mo reira tenei ahau te tutaki nei i tou ara ki te tataramoa, te hanga nei i te taiepa. e kore ai e kitea e ia ona huarahi. 2:7 Ka whaia ano e ia ana i aroha ai, heoi e kore e mau ia ia; ka rapua e ia, heoi e kore e kitea: katahi ia ka ki ake, Ko ahau ka haere, ka hoki ki taku tahu tuatahi; he pai ke hoki ki ahau i taua wa atu inaianei. 2:8 Kihai hoki ia i mohio naku i hoatu he witi ki a ia, he waina, he hinu, me te hinu whakanuia ana e ratou tana hiriwa me te koura i mahia e ratou ma Paara. 2:9 Mo reira ka hoki ahau, ka tango i aku witi i tona wa ano, a taku waina i tona wa ano, ka riro ano taku huruhuru hipi me taku muka i hoatu hei hipoki i a ia e noho tahanga ana. 2:10 Na akuanei ka whakakitea e ahau tana mahi wairangi ki nga kanohi o ana i aroha ai, a e kore tetahi e whakaora ia ia i roto i toku ringa. 2:11 Ka mutu katoa ano i ahau tona koa, ona ra hakari, ona kowhititanga marama, me ona hapati, me ana hakari nunui katoa. 2:12 Ka ngaro ano i ahau ana waina, me ana piki, i ki ai ia, Ko aku utu enei i homai e aku i aroha ki ahau: a ka mahia e ahau he ngahere, ma nga kirehe o te parae e kai. 2:13 Ka whiua hoki ia e ahau mo nga ra o Paara, mo era i tahu whakakakara ai ia ki a ratou, whakapaipai rawa i a ia ki ona whakakai, ki ana whakapaipai, a kua whaia e ia ana i aroha ai, a wareware ake ki ahau, e ai ta Ihowa. 2:14 Mo reira, nana, ka whakawai ahau i a ia, ka kawe i a ia ki te koraha; a korero whakamarie ki a ia. 2:15 Ka hoatu ano e ahau he mara waina ki a ia i reira, me te raorao o Akoro hei kuwaha mo te tumanako: ka waiata ano ia ki reira, ka pera me nga ra i a ia tamarikitanga, me to te ra i haere mai ai ia i te whenua o Ihipa. 2:16 Na i taua ra, e ai ta Ihowa, ka karanga koe ki ahau Ihi; e kore ahau e kiia a muri ake nei e Paari. 2:17 No te mea ka tangohia e ahau nga ingoa o nga Paara i roto i tona mangai, me ratou ano heoi ano maharatanga ki o ratou ingoa. 2:18 I taua ra ka whakaritea e ahau he kawenata mo ratou ki nga kirehe a Ihowa me nga manu o te rangi, me nga mea ngokingoki o te rangi ka whati ano i ahau te kopere, te hoari, te whawhai i roto ia Ihowa te whenua, a ka meinga ratou kia takoto marie. 2:19 Ka taumautia ano koe e ahau a ake ake; ae ra, ka taumautia koe e ahau i ahau i runga i te tika, i te whakawa, i te atawhai, i te whakaaro atawhai. 2:20 Ka taumautia ano koe maku i runga i te pono, a ka mohio koe a Ihowa. 2:21 I taua ra ka rongo ahau, e ai ta Ihowa ka rongo ratou ki nga rangi, ka whakarongo ano ratou ki te whenua; 2:22 Ka whakarongo ano te whenua ki te witi, ki te waina, ki te hinu; a ratou ka rongo a Ietereere. 2:23 Ka whakato ano ahau ia ia maku ki te whenua; a ka tohungia ia e ahau kihai nei i tohungia; a ka mea ahau ki te hunga ehara i ahau iwi, Ko koe taku iwi; a ka mea ratou, Ko koe toku Atua.