Genesis 35:1 Na ka mea te Atua ki a Hakopa, Whakatika, haere ake ki Peteere, ki reira noho ai; hanga ki reira he aata ma te Atua i puta mai ki a koe i tou rerenga i te aroaro o Ehau, o tou tuakana. 35:2 Katahi ka mea a Hakopa ki tona whare, ki ona tangata katoa hoki, Puta whakarerea atu nga atua ke i roto ia koutou, kia ma, me whakarere ke atu ta koutou kakahu: 35:3 A whakatika tatou, ka haere ake ki Peteere; a ka hanga e ahau he aata ki reira ki te Atua, nana nei ahau i whakahoki kupu i te ra o toku pouri, i noho ano ki ahau i roto i ahau te huarahi i haere ai ahau. 35:4 Na ka homai e ratou ki a Hakopa nga atua ke katoa i roto i to ratou ringa; me o ratou whakakai katoa i o ratou taringa; a huna ana e Hakopa i raro i te oki i Hekeme. 35:5 Na ka turia atu e ratou: i runga ano te wehi o te Atua i nga pa i reira i tetahi taha, i tetahi taha, kihai hoki ratou i whai i nga tama a Hakopa. 35:6 Heoi ka tae a Hakopa ki Rutu, ki tera i te whenua o Kanaana, ara ki Peteere; a ia me ana tangata katoa. 35:7 A ka hanga e ia he aata ki reira, a huaina iho e ia taua wahi ko Erepeteere: no te mea hoki i puta mai te Atua ki a ia i reira, i tona rerenga i te aroaro o tona tuakana. 35:8 Na ka mate a Tepora kaiwhakangote o Ripeka, a ka tanumia ki raro i Peteere. i raro i te oki: a ka huaina to reira ingoa ko Aronipakuta. 35:9 I puta mai ano te Atua ki a Hakopa i tona haerenga mai i Paranaarama; i manaaki ia ia. 35:10 A ka mea te Atua ki a ia, Ko Hakopa tou ingoa: e kore tou ingoa e huaina ko Hakopa a muri ake nei, ko Iharaira hei ingoa mou: a huaina iho e ia tona ingoa Iharaira. 35:11 I mea ano te Atua ki a ia, Ko ahau te Atua Kaha Rawa: kia hua koe, kia tini; a he iwi, he huinga iwi ano hoki i roto ia koe, a ka puta mai nga kingi i roto i tou hope; 35:12 Ko te whenua hoki i hoatu e ahau ki a Aperahama raua ko Ihaka, ka hoatu ano e ahau ki a koe, a ka hoatu e ahau te whenua ki ou uri i muri ia koe. 35:13 Na ka mawehe atu te Atua ia ia ki runga, i te wahi i korero ai ia ki a ia. 35:14 Na ka whakaturia e Hakopa he pou ki te wahi i korero ai ia ki a ia, a he pou kohatu: a ka ringihia e ia he ringihanga ki runga, a ringihia ana e ia hinu ki runga. 35:15 A huaina iho e Hakopa te ingoa o te wahi i korero ai te Atua ki a ia, ko Peteere. 35:16 Na ka hapainga atu e ratou i Peteere; a he iti nei te huarahi ka haere mai ki Eparata: na ka whakawhanau a Rahera, ka whakauaua hoki tona whanautanga. 35:17 A, i te mea ka whakauaua tona whanautanga, ka mea te kaiwhakawhanau ki a ia, Kaua e wehi; ka whai tama ano koe. 35:18 Na i te mea ka mawehe atu tona wairua, kua mate hoki ia, na huaina ana e ia tona ingoa ko Penoni: na tona papa ia i hua ko Pineamine. 35:19 Na ka mate a Rahera, ka tanumia ki te ara ki Eparata, ara Peterehema. 35:20 A ka whakaturia e Hakopa he pou ki runga ki tona rua: ko te pou tera o Rahera urupa taea noatia tenei ra. 35:21 Na ka turia atu e Iharaira, a ka whakaarahia e ia tona teneti ki tua atu i te pourewa i Erara. 35:22 A, ia Iharaira e noho ana i taua whenua, ka haere a Reupena a ka takoto ki a Piriha te wahine iti a tona papa: a ka rongo a Iharaira. Inaianei ko te Ko nga tama a Hakopa kotahi tekau ma rua: 35:23 Ko nga tama a Rea; ko Reupena, ko te matamua a Hakopa, ko Himiona, ko Riwai, me ko Hura, ko Ihakara, ko Hepurona: 35:24 Ko nga tama a Rahera; ko Hohepa raua ko Pineamine: 35:25 Ko nga tama a Piriha, pononga wahine a Rahera; ko Rana, ko Napatari: 35:26 Ko nga tama a Tiripa, pononga wahine a Rea; ko Kara raua ko Ahera: ko nga ko nga tama a Hakopa, i whanau mana ki Paranaarama. 35:27 Na kua tae a Hakopa ki a Ihaka, ki tona papa, ki Mamere, ki te pa o Arapa; ko Heperona tera i noho ai a Aperahama raua ko Ihaka. 35:28 A kotahi rau e waru tekau tau nga ra o Ihaka. 35:29 Na ka hemo a Ihaka, ka mate, ka kohia atu ki tona iwi. he koroheke, kua maha hoki ona ra: a na ana tama, na Ehau raua ko Hakopa ia i tanu.