Tiuteronomi 34:1 Na ka piki atu a Mohi i nga mania o Moapa ki Maunga Nepo, ki te te tihi o Pihika, e anga atu ana ki Heriko. Na ka whakakite a Ihowa ki a ia te whenua katoa o Kireara tae noa ki Rana, 34:2 A Napatari katoa, me te whenua o Eparaima, o Manahi, me nga whenua o Hura, tae noa ki te moana whakamutunga mai, 34:3 Te tonga me te mania i te raorao o Heriko, i te pa nikau rakau, ki Toara. 34:4 Na ka mea a Ihowa ki a ia, Ko te whenua tenei i oati ai ahau ki a Aperahama, ki a Ihaka raua ko Hakopa, ka mea, Ka hoatu e ahau ki ou uri: kei ahau i meinga e ou kanohi kia kite, heoi e kore koe e whiti ki reira. 34:5 Na ka mate a Mohi, te pononga a Ihowa ki reira, ki te whenua o Moapa; rite tonu ki ta Ihowa kupu. 34:6 A tanumia ana ia e ia ki tetahi kokoru o te whenua o Moapa, i te ritenga atu o te whenua Petepeoro: otiia kahore tetahi tangata e mohio ana ki tona urupa a mohoa noa nei. 34:7 A kotahi rau e rua tekau nga tau o Mohi i tona matenga: he kanohi tonu tona kaore i te atarua, kare ano hoki i heke iho tona kaha. 34:8 Na uhungatia ana a Mohi e nga tama a Iharaira i nga mania o Moapa, e toru tekau nga ra: a ka taka nga ra i uhungatia ai, i tangihia ai a Mohi. 34:9 ¶ A ki tonu a Hohua, te tama a Nunu, i te wairua o te matauranga; mo Mohi kua whakapa i ona ringa ki runga ki a ia: a ka whakarongo nga tama a Iharaira ki a ia, meatia ana ta Ihowa i whakahau ai ki a Mohi. 34:10 A kahore ano kia ara ake i roto ia Iharaira tetahi poropiti e rite ana ki a Mohi I mohio a Ihowa, he kanohi, he kanohi, 34:11 I nga tohu katoa, i nga merekara i unga ai ia e Ihowa ki te mahi i roto i a Ihowa te whenua o Ihipa ki a Parao, ki ana tangata katoa, ki tona whenua katoa; 34:12 I nga ringa kaha katoa, i nga wehi nui katoa i mahia e Mohi i whakakitea ki te aroaro o Iharaira katoa.