Amoho 7:1 Ko ta te Ariki, ko ta Ihowa tenei i whakaatu ai ki ahau; na, kua hanga e ia te mawhitiwhiti i te timatanga o te pihinga ake o to muri tupu; nana, ko to muri tupu ia i muri iho i nga tapahanga a te kingi. 7:2 Na ka mutu ta ratou kai i te tarutaru o te whenua, katahi ahau ka mea, E te Ariki, e Ihowa, tena ra, murua te he: ma wai e ara ranei a Hakopa? he iti hoki ia. 7:3 I puta ke to Ihowa whakaaro mo tenei; E kore e meatia, e ai ta Ihowa. 7:4 Ko ta te Ariki, ko ta Ihowa tenei i whakaatu ai ki ahau: na, kua karanga te Ariki, a Ihowa ki te whawhai ma te ahi, a ka pau te rire nui, ka pau a wahanga. 7:5 Na ka mea ahau, Kati ra, e te Ariki, e Ihowa, ma te aha oti a Hakopa? whakatika? he iti hoki ia. 7:6 I puta ke to Ihowa whakaaro mo tenei, E kore ano tenei e meatia, e ai ta te Ariki, ta Ihowa. 7:7 I whakakitea tenei e ia ki ahau: na, ko Ihowa e tu ana i runga i te taiepa i hanga e te a paramu, me te paramu i tona ringa. 7:8 Na ka mea a Ihowa ki ahau, Ko te aha e kitea ana e koe, e Amoho? Na ka mea ahau, A paramu. Na ka mea a Ihowa, Nana, ka whakatakotoria e ahau he aho paramu ki roto i waenganui o taku iwi, o Iharaira: e kore ahau e haere atu i to ratou taha a muri ake nei. 7:9 A ka ururuatia nga wahi tiketike o Ihaka, me nga wahi tapu Ka ururua a Iharaira; ka whakatika atu ano ahau ki te whare o Ihowa me te hoari a Ieropoama. 7:10 Na ka unga tangata a Amatia tohunga o Peteere ki a Ieropoama kingi o Iharaira; ka mea, Kua whakatakotoria e Amoho he he mou i roto i te whare o Ihowa Iharaira: e kore e taea e te whenua te waha ana kupu katoa. 7:11 Ko te kupu hoki tenei a Amoho, Ka mate a Ieropoama i te hoari, ko Iharaira hoki ka mate. he pono ka whakaraua atu ratou i to ratou whenua. 7:12 I mea ano a Amatia ki a Amoho, E te matakite, haere, e rere ki roto. ki te whenua o Hura, ki reira kai taro ai, poropiti ai ki reira. 7:13 Engari kati tau poropiti ki Peteere: ko to te kingi whare karakia hoki tena. ko te marae hoki o te kingi. 7:14 Na ka whakahoki a Amoho, ka mea ki a Amatia, Ehara ahau i te poropiti, ehara ano hoki i ahau he tama na te poropiti; engari he hepara ahau, he kaikohi hikamora. 7:15 I tikina ake ahau e Ihowa i te mea e whai ana ahau i nga hipi, i ki mai ano a Ihowa ki ahau, Haere, poropiti ki taku iwi, ki a Iharaira. 7:16 Na whakarongo ki te kupu a Ihowa: E mea na koe, Kaua e poropiti ki a Iharaira, a kaua e whakataka tau kupu mo te whare o Ihaka. 7:17 Mo reira ko te kupu tenei a Ihowa; Tera tau wahine e kairau i roto i te pa, a ka hinga au tama me au tamahine i te hoari, me to koutou whenua ka wehea ma te raina; a ka mate koe i runga i te whenua poke: a Ka whakaraua rawatia atu a Iharaira i tona whenua.