2 Timoti 1:1 Na Paora, na te apotoro a Ihu Karaiti i pai ai te Atua, i runga i ta te Karaiti kupu whakaari mo te ora i roto ia Karaiti Ihu, 1:2 Ki a Timoti, ki taku tamaiti aroha: Kia tau te aroha noa, te mahi tohu, me te rangimarie, he mea na te Atua Matua me Karaiti Ihu to matou Ariki. 1:3 E whakawhetai ana ahau ki te Atua, e mahi nei ahau ki a ia no oku tupuna i runga i te hinengaro ma; mau tonu toku maharahara ki a koe i aku inoinga i te po, i te ao; 1:4 Nui atu toku hiahia kia kite ia koe, i ahau e mahara ana ki ou roimata, kia ora ai ahau ki tonu i te hari; 1:5 Ka hoki ake nei toku mahara ki te whakapono tinihangakore i roto i a koe, ara I noho tuatahi i roto i tou tupuna wahine, ia Roihi, i tou whaea hoki, ia Unihi; a ko ahau i u na hoki tera i roto i a koe. 1:6 Koia ahau ka whakamahara nei i a koe, kia whakaungia ano e koe te mea homai noa a te Atua; kei roto na i a koe na te whakapanga atu o oku ringaringa. 1:7 Kahore hoki i homai e te Atua ki a tatou te wairua o te wehi; engari mo te kaha, mo te aroha, me te ngakau pai. 1:8 Na kei whakama koe ki te whakaatu i to tatou Ariki, i ahau ranei tona herehere: engari kia uru tahi koe ki nga mate o te rongopai i runga i te kaha o te Atua; 1:9 Nana tatou i whakaora, nana hoki tatou i karanga ki te karangatanga tapu, ehara i te mea e rite ana a tatou mahi, engari i runga i tana ake whakaaro, i tana aroha noa, i homai nei tatou i roto ia Karaiti Ihu i mua atu o te ao, 1:10 Inaianei ia kua whakakitea mai nei i te putanga mai o to tatou Kaiwhakaora, o Ihu Karaiti. nana nei i whakakore te mate, nana hoki i kawe mai te ora me te matekore ki te marama na roto i te evanelia: 1:11 A meinga ana ahau hei kaikauwhau mo taua mea, hei apotoro, hei kaiwhakaako nga Tauiwi. 1:12 Ko te mea hoki tenei i pangia ai ahau e enei mea: otira kahore ahau whakama: e matau ana hoki ahau ki taku i whakapono ai, a e u ana toku whakaaro ko ia tenei ka taea e ahau te pupuri i taku i tuku atu ai ki a ia a taea noatia taua ra. 1:13 Kia mau ki te tauira mo nga kupu tika i rongo ra koe ki ahau, puritia i runga i te whakapono me te aroha i roto ia Karaiti Ihu. 1:14 Ko te mea pai i tukua ra ki a koe, me pupuri e te Wairua Tapu e noho nei i roto i a tatou. 1:15 E matau ana koe ki tenei, kua mawehe ke atu te hunga katoa i Ahia ahau; no ratou a Paikeru raua ko Heremokeni. 1:16 Kia tohungia e te Ariki nga tangata o te whare o Onehipora; he maha hoki tona oranga ngakau ki ahau, a kihai i whakama ki toku mekameka. 1:17 A, ia ia i Roma, i ata rapu marietia ahau e ia, a kitea ana ahau. 1:18 Ma te Ariki e tuku ki a ia kia kite i te mahi tohu a te Ariki a taua ra. e mohio ana ano koe ki te maha o ana mahi minitatanga ki ahau i Epeha tino pai.