1 Kingi 11:1 Otiia he tini nga wahine ke i arohaina e Kingi Horomona, me te tamahine ano a Ko Parao nga wahine o nga Moapi, o nga Amoni, o nga Eromi, o nga Haironi, me nga Hiti; 11:2 No nga iwi i korero ra a Ihowa ki nga tamariki a E Iharaira, Kaua e haere atu ki a ratou, kaua ano hoki ratou e haere mai ki a koutou. he pono ka tahuri ke o koutou ngakau ki te whai i o ratou atua: a Horomona kia piri ki enei i runga i te aroha. 11:3 Na e whitu rau ana wahine rangatira, e toru rau nga wahine iti: a whakaanga ketia ana tona ngakau e ana wahine. 11:4 Na, kua koroheketia a Horomona, kua tahuri ke ana wahine tona ngakau ki te whai i nga atua ke: kihai hoki tona ngakau i tapatahi ki a Ihowa tona Atua, i rite ki te ngakau o Rawiri, o tona tupuna. 11:5 I whai hoki a Horomona i a Ahatorete atua o nga Haironi, a muri iho ko Mirikomo te mea whakarihariha a nga tama a Amona. 11:6 Na he kino te mahi a Horomona ki te titiro a Ihowa, kihai hoki i tino whaia a Ihowa, i pera ano me tona papa, me Rawiri. 11:7 Na ka hanga e Horomona he wahi tiketike mo te mea whakarihariha a Kemoho Moapa i te maunga e anga atu ana ki Hiruharama: mo Moreke hoki, ko Ihowa mea whakarihariha a nga tamariki a Amona. 11:8 Pera tonu tana i mea ai mo ana wahine ke katoa, i tahu whakakakara nei, i tahu whakakakara ai i patu whakahere ma o ratou atua. 11:9 Na ka riri a Ihowa ki a Horomona, no te mea kua tahuri ke tona ngakau ko Ihowa, ko te Atua o Iharaira, kua rua nei ona putanga ki a ia, 11:10 I ako hoki ki a ia mo tenei mea, kia kaua ia e whai nga atua ke: heoi kihai i mau i a ia ta Ihowa i whakahau ai. 11:11 Na ka mea a Ihowa ki a Horomona, Na te mea kua penei tau mahi; kihai ano i mau i a koe taku kawenata, me aku tikanga i mea ki a koe, Ka haea rawatia e ahau te kingitanga i a koe, a ka hoatu ki tau pononga. 11:12 Otiia e kore tenei e meatia e ahau i ou ra, mo Rawiri, mo tou papa engari ka haea atu e ahau i te ringa o tau tama. 11:13 Otiia e kore e haea atu e ahau te kingitanga katoa; engari kotahi te iwi e hoatu ki a ia he whakaaro ki tau tama, he whakaaro ki taku pononga, ki a Rawiri, he whakaaro ano ki Hiruharama i ahau nei kua whiriwhiria. 11:14 Na ka whakaarahia ake e Ihowa he hoariri mo Horomona, ko Harara Eromi: he uri no te kingi i Eroma. 11:15 I a Rawiri hoki i Eroma, ko Ioapa rangatira o Ihowa kua riro te ope ki runga ki te tanu i te hunga i patua, i muri i tana patunga i nga tane katoa i roto Eroma; 11:16 E ono hoki nga marama i noho ai a Ioapa ratou ko Iharaira katoa ki reira, a poto noa ia i nga tane katoa o Eroma :) 11:17 Na ka rere a Harara ratou ko etahi Eromi, he tangata na tona papa ia, ki te haere ki Ihipa; He nohinohi tonu a Harara. 11:18 A ka whakatika atu ratou i Miriana, a ka tae ki Parana: na ka mau ki etahi tangata ratou i Parana, a haere ana ki Ihipa ki a Parao kingi o Ihipa; i hoatu he whare mona, i whakaritea he kai mona, i hoatu ano he whenua mona. 11:19 Na ka manakohia nuitia a Harara e Parao, a ka hoatu e ia hei wahine mana te teina o tana wahine ake, te teina o Tahapene kuini. 11:20 Na ka whanau he tama mana i te teina o Tahapene, ko Kenupata, a na Tahapene i whakamutua te kai u i roto i te whare o Parao: na i roto ano a Kenupata i te whare o Parao i waenganui o te whare o Parao nga tama a Parao. 11:21 A, i te rongonga o Harara i Ihipa, kua takoto a Rawiri ki ona matua, a kua moe kua mate a Ioapa rangatira ope, ka mea a Harara ki a Parao, Tukua haere ahau, kia haere ai ahau ki toku whenua. 11:22 Na ka mea a Parao ki a ia, I hapa koe i te aha i ahau nei? nana, e whai ana koe kia haere ki tou whenua? ka whakahoki ia, kahore: he ahakoa ra tukua ahau kia haere. 11:23 I ara ano i te Atua he hoariri mona, a Retona tama a Eriara; i rere nei i tona ariki i a Hararetere kingi o Topa. 11:24 Na ka huihuia e ia etahi tangata ki a ia, a ka meinga ia hei rangatira ropu, i a Rawiri patua iho nga tangata o Topa: na haere ana ratou ki Ramahiku, a noho ana i reira; i kingi i Ramahiku. 11:25 A he hoariri ia ki a Iharaira i nga ra katoa o Horomona, i te taha o Ihowa he kino ta Harara i mea ai: heoi whakarihariha ana ia ki a Iharaira, ko ia ano te kingi o Hiria. 11:26 Ko Ieropoama ano tama a Nepata, he Eparati, no Terera, na Horomona. he pononga wahine, ko Terua te ingoa o tona whaea, he wahine pouaru, nana ano i whakaara ake kia ara tona ringa ki te kingi. 11:27 A ko te take tenei i ara ai tona ringa ki te kingi. E hanga ana a Horomona i Miro, e tutakina ana e ia nga wahi pakaru o tona pa o Rawiri papa. 11:28 Na he marohirohi a Ieropoama, he toa: a ka kite a Horomona he taitamariki tana i mahi ai, meinga ana ia e ia hei rangatira mo nga mea katoa o te whare o Hohepa. 11:29 Na i taua wa ka puta a Ieropoama i Hiruharama; a ka tutaki a Ahia Hironi, te poropiti ki a ia i te ara; a ia ia ka kakahuria e ia he kakahu hou; a ko raua anake i te parae. 11:30 Na ka mau a Ahia ki tona kakahu hou, haea ana kia tekau ma rua. mongamonga: 11:31 A ka mea ia ki a Ieropoama, Kia tekau nga wahi e tangohia e koe mau: ko te kupu hoki tenei a Ihowa, te Atua o Iharaira, Nana, ka haea atu e ahau te kingitanga i te ringa o Ihowa a Horomona, tekau nga iwi e hoatu ki a koe: 11:32 Kotahi ia te iwi mana; he whakaaro ki taku pononga, ki a Rawiri, a mo He whakaaro ki Hiruharama, ki te pa i whiriwhiria e ahau i roto i nga iwi katoa Iharaira :) 11:33 Mo ratou i whakarere i ahau, i koropiko ki a Ahataroto te atua o nga Haironi, ko Kemoho te atua o nga Moapi, ko Mirikomo te atua o nga tamariki a Amona, a kihai i haere i aku ara hei mahi te mea e tika ana ki taku titiro, ki te pupuri hoki i aku tikanga, i aku tikanga i rite ki ta Rawiri, ki tona papa. 11:34 Otiia e kore e tangohia e ahau te kingitanga katoa i tona ringa: engari ka tangohia e ahau meinga ia hei rangatira i nga ra katoa e ora ai ia, he whakaaro ki taku pononga, ki a Rawiri; i whiriwhiria nei e ahau, mona i pupuri i aku whakahau, i aku tikanga. 11:35 Engari ka tangohia e ahau te kingitanga i te ringa o tana tama, a ka hoatu ki a ia koe, ara tekau nga iwi. 11:36 Kotahi te iwi e hoatu e ahau ki tana tama, kia whai a Rawiri taku pononga a kia marama tonu ki toku aroaro i Hiruharama, i te pa i whiriwhiria e ahau hei haerenga atu moku hoatu toku ingoa ki reira. 11:37 A ka tangohia koe e ahau, a hei kingi koe, ka rite ki au mea katoa i hiahia te wairua, a ko ia hei kingi mo Iharaira. 11:38 A tenei ake, ki te rongo koe ki nga mea katoa e whakahau atu nei ahau ki a koe, ki te whakarongo ano koe ka haere i aku ara, ka mahi i te mea e tika ana ki taku titiro, hei tiaki i aku nga tikanga, me aku whakahau, ki ta taku pononga, ki a Rawiri; ka waiho ahau hei hoa mou, mana e hanga he whare mou, ka pera me taku i hanga ai mo Rawiri, a ka pai ano ahau hoatu a Iharaira ki a koe. 11:39 A ka whakawhiua e ahau nga uri o Rawiri mo tenei mea nei; otiia ehara i te mea mo ake tonu atu. 11:40 Na ka whai a Horomona kia whakamatea a Ieropoama; Na ka whakatika a Ieropoama, a rere ana ki Ihipa ki a Hihaka kingi o Ihipa, a i Ihipa ia a mate noa o Horomona. 11:41 Na, ko era atu mahi a Horomona, ko nga mea katoa i mea ai ia, me ana mahi te whakaaro nui, kahore ianei i tuhituhia ki te pukapuka o nga mahi a Horomona? 11:42 Na, ko te roa o te kingitanga o Horomona ki Hiruharama ki a Iharaira katoa e wha tekau tau. 11:43 Na kua moe a Horomona ki ona matua, a tanumia ana ki te pa o Rawiri tona papa, a ko Rehopoama, ko tana tama, te kingi i muri i a ia.