1 Chronicles 14:1 ¶ Na ka unga he karere e Hirama kingi o Taira ki a Rawiri, me etahi rakau, he hita; me nga kaimahi kohatu, me nga kamura, hei hanga whare mona. 14:2 Na ka mohio a Rawiri kua whakapumautia ia e Ihowa hei kingi mo Iharaira; i whakanuia hoki tona rangatiratanga, he whakaaro ki tana iwi, ki a Iharaira. 14:3 Na ka tangohia ano e Rawiri he wahine mana ki Hiruharama; a ka whanau ano etahi atu tama ma Rawiri nga tamahine. 14:4 A ko nga ingoa enei o ana i whanau ki Hiruharama; ko Hamua, ko Hopapa, ko Natana, ko Horomona; 14:5 Ko Ipihara, ko Erihua, ko Ereparete; 14:6 Ko Noka, ko Nepeke, ko Iapia; 14:7 Ko Erihama, ko Peeriara, ko Eriparete. 14:8 A, no te rongonga o nga Pirihitini kua oti a Rawiri te whakawahi hei kingi mo te katoa E Iharaira, ka haere nga Pirihitini katoa ki te rapu ia Rawiri. A ka rongo a Rawiri a puta ana ki te tu i a ratou. 14:9 Na ka haere mai nga Pirihitini, a kua tohatoha ia ratou ki te raorao o Repaima. 14:10 Na ka ui a Rawiri ki te Atua, ka mea, Me haere ranei ahau ki runga ki a Ihowa? nga Pirihitini? E homai ranei ratou e koe ki toku ringa? Na Ihowa ka mea ki a ia, Haere ki runga; ka hoatu hoki ratou e ahau ki tou ringa. 14:11 Heoi kua tae mai ratou ki Paaraperatimi; a patua iho ratou e Rawiri i reira. Katahi a Rawiri Na ka mea ia, Pakaru ana i te Atua oku hoariri, he mea na toku ringa e pakaru mai ana nga wai: koia i huaina ai te ingoa o taua wahi Paaraperatimi. 14:12 A mahue ana i a ratou o ratou atua ki reira, na ka whakahau a Rawiri, ka mea i tahuna ki te ahi. 14:13 Na ka takahia ano e nga Pirihitini te raorao. 14:14 Na ka ui ano a Rawiri ki te Atua; a ka mea te Atua ki a ia, Kaua e haere ki runga i muri ia ratou; tahuri atu i a ratou, haere mai ki te ritenga atu o Ihowa rakau maperi. 14:15 A tenei ake, ka rangona e koe he haruru haere i runga rawa nga maperi, ko reira koe haere ai ki te whawhai: ko te Atua hoki ia i haere atu ki mua i a koe ki te patu i te ope o nga Pirihitini. 14:16 Na peratia ana e Rawiri me ta te Atua i whakahau ai ki a ia; a patua iho e ratou te ope a Ihowa nga Pirihitini i Kipeono a tae noa ki Katere. 14:17 Na kua paku te ingoa o Rawiri ki nga whenua katoa; a ka kawea mai e Ihowa te wehi ki a ia i runga i nga iwi katoa.