1 Chronicles 13:1 Na ka runanga a Rawiri ki nga rangatira o nga mano, o nga rau, na me ia rangatira. 13:2 Na ka mea a Rawiri ki te huihui katoa o Iharaira, Ki te mea he pai ki ta te titiro koe, a na Ihowa, na to tatou Atua, me tuku atu ki a tatou teina i nga wahi katoa e toe ana i te whenua katoa o Iharaira, me era atu ki nga tohunga hoki, ki nga Riwaiti i o ratou pa i nga wahi o waho ake, kia huihui mai ai ratou ki a tatou: 13:3 A me whakahoki mai e tatou te aaka a to tatou Atua ki a tatou: kihai hoki tatou i rapu tikanga i nga ra o Haora. 13:4 Na ka mea te whakaminenga katoa kia pera ano ratou; tika ki te titiro a te iwi katoa. 13:5 Na ka huihuia e Rawiri a Iharaira katoa i Hihoro o Ihipa a tae noa ki te haerenga ki Hamata ki te mau mai i te aaka a te Atua i Kiriata Tearimi. 13:6 Na ka haere a Rawiri ratou ko Iharaira katoa ki Paara, ara ki Kiriata Tearimi; i a Hura, hei mau ake i reira te aaka a te Atua, a Ihowa; e noho ana i waenganui o nga kerupima, i huaina nei tona ingoa ki runga. 13:7 Na ka mauria e ratou te aaka a te Atua i runga i te kata hou, a tangohia ana mai i te whare o Ihowa a Apinarapa: a na Uha raua ko Ahio i arahi te kata. 13:8 Na ka whakapaua te kaha a Rawiri ratou ko Iharaira katoa ki te takaro ki te aroaro o te Atua i runga i te waiata, i te hapa, i te hatere, i te timipera; me nga himipora, me nga tetere. 13:9 A, ka tae ki te patunga witi a Hirono, ka maua atu e Uha tana ringa hei pupuri i te aaka; i taka hoki nga kau. 13:10 Na ka mura te riri o Ihowa ki a Uha, patua iho; no te mea i totoro tona ringa ki te aaka: a mate iho ia ki reira i te aroaro o te Atua. 13:11 Na ka pouri a Rawiri mo ta Ihowa tukitukinga ia Uha. koia i huaina ai te ingoa o taua wahi ko Pereteuha a mohoa noa nei. 13:12 Na ka wehi a Rawiri i te Atua i taua ra, ka mea, Me pehea taku kawe mai i te aaka o te Atua kainga ki ahau? 13:13 Heoi kihai a Rawiri i tango i te aaka ki a ia, ki te pa o Rawiri; na kawea ketia ana ki te whare o Opereeroma Kiti. 13:14 Na noho ana te aaka a te Atua ki te whanau a Opereeroma, ki tona whare e toru marama. Na ka manaakitia e Ihowa te whare o Opereeroma me era atu mea i a ia.