Abụ Ọma 94:1 Jehova, bú Chineke, Onye ibọ̀-ọ́bọ̀ diri; Chineke, onye ọbọ nke nwe, gosi onwe gi. ABÙ ỌMA 94:2 Welie Onwe-gi elu, Gi onye-ikpé uwa: Nyeghachi ndi-npako ugwọ-ọlu. ABÙ ỌMA 94:3 Jehova, rùe ole mb͕e ka ndi nēmebi iwu gādi, Rùe ole mb͕e ka ndi nēmebi iwu gāṅuri? 94:4 Rùe ole mb͕e ka ha gākwuwa okwu, nēkwu kwa okwu di ike? na ndị ọrụ niile ajọ omume nānya isi? ABÙ ỌMA 94:5 Ha nētipia ndi-Gi, Jehova, we weda ihe-nketa-Gi n'ala. ABÙ ỌMA 94:6 Ha nēb͕u nwanyi di-ya nwuru na ọbìa, nēb͕u kwa nwa-nb͕ei. 94:7 Ma ha nāsi, Jehova agaghi-ahu, Chineke nke Jekob agaghi-ahu kwa tulee ya. ABÙ ỌMA 94:8 Ghutanu, unu ndi-nzuzu n'etiti ndi nile: ma unu ndi-nzuzu, òle mb͕e unu gādi maara ihe? 94:9 Onye kụrụ nti, ọ̀ gaghi-anu? onye kpụrụ anya; ọ̀ gaghi-ahu? ABÙ ỌMA 94:10 Onye nādọ mba nile aka na nti, Ọ̀ gaghi-abara mba? onye nēzi ihe ọmuma-ihe nke madu, ọ̀ gaghi-ama? 94:11 Jehova mara èchìchè nile nke madu, na ha bu ihe-efu. ABÙ ỌMA 94:12 Ngọzi nādiri nwoke ahu Nke I nādọ aka na nti, Jehova, I nēzí kwa ya ihe nime iwu gị; 94:13 Ka i we me ka o zuru ike pua n'ubọchi nile nke nkpab͕u, rue olùlù gwuru onye nēmebi iwu. 94:14 N'ihi na Jehova agaghi-aju ndi-Ya, Ọ gaghi-arapu kwa nke ya ihe nketa. 94:15 Ma ikpé gālaghachi n'ezi omume; obi ga-eso ya. 94:16 Ònye gēbilierem imegide ndi nēme ihe ọjọ? ma ọ bụ onye ga-eguzo ọtọ Mu nēmegide ndi nālu ajọ ihe? ABÙ ỌMA 94:17 Ọ buru na Jehova ab͕aram aka, Nkpuru-obim agaraghi-ebi na du. ABÙ ỌMA 94:18 Ma mb͕e m'siri, ukwum nāsughari; ebere-Gi, Jehova, welierem elu. ABÙ ỌMA 94:19 N'iba-uba nke èchìchèm nile nimem Nkasi-obi-Gi nātọ nkpuru-obim utọ. 94:20 Oche-eze nke ajọ omume, ọ̀ ga-eso gi nwekọrịta, nke na-akpụ akpụ ajọ omume site n'iwu? 94:21 Ha na-agbakọta onwe ha imegide mkpụrụ obi ndị ezi omume, na ikpe ọbara nēmeghi ihe ọjọ ikpe. 94:22 Ma Jehova bu ulo-elum; Chinekem bu kwa oké nkume nke ebe-nb͕abàm. 94:23 Ọ gēme kwa ka ajọ omume-ha biakwasi ha, we bipu ha n'ime ajọ omume nke aka ha; e, Jehova, bú Chineke-ayi, gēbipu ha.