Abụ Ọma 40:1 M'we were ntachi-obi chere Jehova; o we chigharia n'ebe m'nọ, we nu okwum akwa akwa. 40:2 O me-kwa-ra ka m'si n'olùlù di egwu, si kwa na urọ apiti, rigota Tukwasi ukwum abua n'elu nkume di elu, me ka ijem guzosie ike. 40:3 O tiyewo kwa abù ọhu n'ọnum, bú otuto Chineke-ayi: ọtutu gāhu ya, tua egwu, tukwasi Jehova obi. 40:4 Ngọzi na-adịrị nwoke ahụ nke na-eme ka Jehova bụrụ ntụkwasị obi ya, ma ọ dịghị ele anya ndi-npako, ma-ọbu ndi nēwezuga onwe-ha n'okwu-ugha. 40:5 Ọtutu, Jehova, bú Chinekem, ka oké ọlu-Gi nile nke I meworo, na èchìchè-Gi nile nke di n'ebe ayi nọ: agaghi-agu ha n'usoro nye gi: ọ buru na m'gēgosi ha, kwu kwa okwu bayere ha, ha di kari ike bụrụ ọnụ. 40:6 Àjà na onyinye ị chọghị; ntim ka i nwere emegheworo: àjà-nsure-ọku na àjà-nmehie ka i chọghi. 40:7 M'we si, Le, Mu onwem nābia: n'akwukwọ a ka edeworo bayerem; 40:8 Ime ihe nātọm utọ, Chinekem: Ọzọ, iwu-Gi di n'obim. 40:9 Ezisawom ezi omume n'ọgbakọ uku: le, nweghim I b͕ochie eb͕ub͕ere-ọnum abua, Jehova, Gi onwe-gi amawo. 40:10 Ekpuchighm ezi omume-Gi n'obim; Akpọsawo m gị ikwesi-ntukwasi-obi na nzọputa-Gi: Ekpuchighim ebere-Gi na ezi-okwu-Gi sitere na nkpọkọta uku. 40:11 Ib͕ochila obi-ebere-Gi nile n'arum, Jehova: ka I ebere na ezi-okwu-Gi nēdebem mb͕e nile. 40:12 N'ihi na ọ dighi ọnu-ọgugu ihe ọjọ ab͕awom buruburu: ajọ omumem nile jidesiem ike, ka m'we ghara ileli anya elu; ha kariri agiri-isi nile nke isim: n'ihi nka obim agwusiwom. ABÙ ỌMA 40:13 Biko, Jehova, gānaputam: Jehova, me ngwa iyerem aka. 40:14 Ka ihere me ha, ka ihere me kwa ha n'otù ndi nāchọ nkpuru-obim mebie ya; ka ewe chupu ha n'azu, me kwa ka ihere me ndi nāchọm ihe ojoo. 40:15 Ka ha ghọ ebe tọb͕ọrọ n'efu n'ihi ugwọ-ọlu nke ihere-ha ndi nāsim, Ehe; aha. 40:16 Ka ndị niile na-achọ Gi ṅụrịa ọṅụ, ṅụrịakwa ọṅụ n'ime gị hu nzọputa-Gi n'anya, si mb͕e nile, Ka Jehova di uku. 40:17 Ma m bụ ogbenye na ogbenye; ma Onye-nwe-ayi nāchem: Iyerem ka I bu na onye-nzọputam; egbula oge, Chineke m.