Joshua 14:1 Ma ndia bu ala nile nke umu Israel ketaworo nime ya ala Kenean, nke Eleeza, bú onye-nchu-àjà, na Joshua nwa Nun; na ndi-isi nke ndi bu nna nke ebo umu Israel; ekesaara ha ihe-nketa. 14:2 Site n'ife-nzà ka ihe-nketa-ha bu, dika Jehova nyere iwu n'aka nke Moses, maka ebo iteghete ahu, na nkera ebo ahu. 14:3 N'ihi na Moses nyere ihe-nketa nke ebo abua na nkera ebo n'ofè Jọdan: ma ọ nyeghi ndi Livai ihe-nketa n'etiti ha. 14:4 N'ihi na umu Josef nwere ebo abua, Manase na Efraim. ya mere ha enyeghi ndi Livai òkè n'ala ahu, ma-ọbughi obodo biri nime ya, ha na ebe-ita-nri-ha maka anu-ulo-ha na ihe-ha. 14:5 Dika Jehova nyere Moses iwu, otú a ka umu Israel mere, ha we me kewaa ala. 14:6 Umu Juda we biakute Joshua nime Gilgal: na Keleb nwa nke Jefune, bú onye-Kenaziit, we si ya, Gi onwe-gi amawo okwu nke Jehova Jehova we gwa Moses, bú onye nke Chineke, okwu bayere mu na gi Kedesh-bania. 14:7 Ọgu arọ abua ka m'b͕ara mb͕e Moses, bú orù Jehova, siri n'ebe ahu zilagam Kedesh-banea iledo ala ahu; m'we weghachiri ya okwu dika ọ si di dị n'ime obi m. 14:8 Ma umu-nnem ndi sorom rigoro mere obi Jehova ndi nile ab͕azewo: ma mu onwem nēsozu Jehova, bú Chinekem, n'azu. 14:9 Moses we ṅua iyi n'ubọchi ahu, si, N'ezie ala ahu nke ukwu-gi di ọ bu ihe-nketa-gi na nke umu-gi ka ha zọsiri ike, rue mb͕e ebighi-ebi; n'ihi na i sozuwo Jehova, bú Chinekem, n'azu. 14:10 Ma ub͕u a, le, Jehova emewo ka m'di ndu, dika O kwuru, ọgu abua ndia. na arọ ise, ọbuná site na Jehova gwara Moses okwu a, mb͕e ọ bula umu Israel nāwaghari n'ọzara: ma ub͕u a, le, Mu onwem nọ taa, ọ gbara afọ iri anọ na ise. 14:11 Ma ka m dị ike taa dị ka m dị n'ụbọchị Mozis zitere m. dịka ike m dị mgbe ahụ, otu ahụ ka ike m dịkwa ugbu a, maka agha, ma ịga pụta, na ịbata. 14:12 Ma ub͕u a, nyem ugwu a, nke Jehova kwuru okwu bayere ya n'ubọchi ahu; n'ihi na i nuru n'ubọchi ahu ka ndi Anak nọ n'ebe ahu, na na Jehova obodo ukwu di kwa ewusiri ike: ọ buru na Jehova gānọyerem, Mu onwem gāpu kwa inapu ha ala-ha, dika Jehova siri. 14:13 Joshua we gọzie ya, nye Keleb nwa Jefune Hebron maka ihe nketa. 14:14 Hebron we ghọrọ Keleb nwa Jefune ihe-nketa ndi-Kenaziit rue ta, n'ihi na o jesoworo Jehova, bú Chineke, n'azu nke Israel. 14:15 Ma aha Hebron na mb͕e gara aga bu Kiriat-aba; nke Arba bụ nnukwu nwoke n'etiti ndi Anak. Ala ahu we zuru ike n'agha.