Jenesis 35:1 Chineke we si Jekob, Bilie, rigorue Bet-el, biri n'ebe ahu: ma Mere Chineke ebe-ichu-àjà n'ebe ahu, Nke emere ka i hu Ya anya mb͕e i nāb͕alaga site n'iru Isọ nwa-nne-gi. 35:2 Jekob we si ulo-ya, si kwa ndi nile ya na ha nọ, Put wezuganu chi ala ọzọ nile nke di n'etiti unu, di-kwa-nu ọcha, b͕anwe kwa unu uwe: 35:3 Ka ayi bilie, rigorue Bet-el; M'gēme kwa ebe-ichu-àjà n'ebe ahu diri Chineke, bú Onye zam n'ubọchi nkpàm, Ọ nọyerem n'ime ụzọ nke m jere. 35:4 Ha we nye Jekob chi ala ọzọ nile nke di n'aka-ha; na nb͕a-aka-ha nile nke di na nti-ha; Jekob we zobe ha n'okpuru osisi oak nke di n'akuku Shekem. 35:5 Ha we bulie ije: oké egwu nke Chineke we dikwasi obodo nile nke di ha buruburu, ma ha achughi umu-ndikom Jekob n'azu. 35:6 Jekob we biarue Luz, nke di n'ala Kenean, bú Bet-el; ya na ndị niile ya na ha nọ. 35:7 O wue ebe-ichu-àjà n'ebe ahu, kpọ ebe ahu El-bet-el: n'ihi na n'ebe ahu ka Chineke mere ka ọ hu Ya anya, mb͕e ọ nāb͕apu n'iru nwa-nne-ya. 35:8 Ma Debora, bú nwayi nēnye Ribeka, nwuru, elìe ya n'okpuru Bet-el n'okpuru osisi oak: ewe kpọ aha-ya Alọn-bachut. 35:9 Chineke we me ka Jekob hu Ya anya ọzọ, mb͕e o siri na Padan-eram puta gọziri ya. 35:10 Chineke we si ya, Jekob ka aha-gi bu: agaghi-akpọ aha-gi Jekob ọzọ, ma Israel gābu aha-gi: o we kpọ aha-ya Israel. 35:11 Chineke we si ya, Mu onwem bu Chineke Nke puru ime ihe nile: mua ọmùmù, ba kwa uba; a mba na nkpọkọta mba nile gēsi na gi puta, ndi-eze gābia kwa site n'úkwù-gi; 35:12 Ma ala nke M'nyere Abraham na Aịzik, gị ka M ga-enye ya, na Nkpuru-gi nke gānọchi gi ka M'gēnye ala ahu. 35:13 Chineke we si n'ebe ọ nọ rigo n'ebe Ọ kpayere ya uka. 35:14 Jekob we guzo ogidi n'ebe ahu ọ kpayere ya uka, bú a ogidi nkume: ọ wukwasi àjà-ihe-ọṅuṅu n'elu ya, wukwasi mmanụ n'elu ya. 35:15 Jekob we kpọ aha ebe ahu ebe Chineke kpayere ya uka, Bet-el. 35:16 Ha si na Betel bulie ije; ma e nwere nanị ụzọ nta ka ọ ga-esi bịa rue Efrat: ime Rechel we di kwa nwa-ya; 35:17 O rue, mb͕e ọ di n'aru, na nwayi nēle ime kwuru si ya, Atula egwu; nwa-nwoke a ka i gēnwe kwa. 35:18 O rue, mb͕e nkpuru-obi-ya nāpu, (n'ihi na ọ nwuru) na ọ we kpọ aha-ya Benoni: ma nna-ya kpọrọ ya Benjamin. 35:19 Rechel we nwua, elìe ya n'uzọ Efrat, nke ahu bu Betlehem. 35:20 Jekob we guzo ogidi n'elu ílì-ya: nke ahu bu ogidi nke Rechel ili rue ta. 35:21 Israel we bulie ije, b͕asa ulo-ikwū-ya n'ofè ulo-elu Ida. 35:22 O rue, mb͕e Israel biri n'ala ahu, na Reuben jere ha na Bilha, bú iko nna-ya, we dina: Israel we nu ya. Ugbu a umu-ndikom Jekob di iri na abua: 35:23 Ụmụ Lia; Reuben, bú ọkpara Jekob, na Simeon, na Livai, na Juda, na Isaka, na Zebulun: 35:24 Umu-ndikom Rechel; Josef na Benjamin: 35:25 na umu-ndikom Bilha, bú orù-nwayi Rechel; Dan na Naftali: 35:26 na umu-ndikom Zilpa, bú orù-nwayi Lia; Gad na Asha: ndia bu ndia umu-ndikom Jekob, ndi amuru nye ya na Padan-eram. 35:27 Jekob we biakute Aisak, bú nna-ya, rue Mamre, n'obodo Arba; nke ahu bu Hebron, ebe Abraham na Aisak biri dika ọbìa. 35:28 Ma ụbọchị Aịzik wee bụrụ otu narị afọ na iri asatọ. 35:29 Aisak we kubie ume, nwua, ewe chikọta ya na umu-nna-ya. ọ bu agadi, ju kwa ubọchi ndu: umu-ya ndikom Isọ na Jekob we lìe ya.