Mga Salmo 148:1 ΒΆ Dayegon ninyo si Jehova. Dayega ninyo si Jehova gikan sa langit: Dayega siya diha ang mga kahitas-an. 148:2 Dayega ninyo siya, kamong tanan niyang mga manolonda: Dayega ninyo siya, kamong tanan niyang mga panon. 148:3 Dayega ninyo siya, adlaw ug bulan: Dayega siya, kamong tanang mga bitoon sa kahayag. 148:4 Dayega siya, kamong mga langit sa kalangitan, ug kamong mga tubig nga anaa sa ibabaw sa langit. 148:5 Ipapagdayeg kanila ang ngalan ni Jehova; Kay siya nagsugo, ug nahimo sila gibuhat. 148:6 Iya usab nga gitukod sila sa mga katuigan nga walay katapusan: Siya naghimo ug usa ka sugo nga dili molabay. 148:7 Dayega si Jehova gikan sa yuta, kamong mga dragon, ug kamong tanang mga kahiladman. 148:8 Kalayo, ug ulan-nga-yelo; niyebe, ug mga alisngaw; unos nga hangin nga nagatuman sa iyang pulong: 148:9 Kabukiran, ug tanang kabungtoran; mabungaon nga mga kahoy, ug tanang cedro: 148:10 Mga mananap, ug tanang kahayupan; nagakamang nga mga butang, ug nagalupad nga mga langgam: 148:11 Mga hari sa yuta, ug ang tanang mga katawohan; mga prinsipe, ug ang tanang maghuhukom sa yuta: 148:12 Mga batan-ong lalake, ug mga ulay; tigulang nga mga lalaki, ug mga bata: 148:13 Ipapagdayeg kanila ang ngalan ni Jehova; ang iyang himaya labaw sa yuta ug sa langit. 148:14 Iya usab nga gibayaw ang sungay sa iyang katawohan, ang pagdayeg sa tanan niyang mga balaan; bisan sa mga anak sa Israel, usa ka katawohan nga haduol kaniya. Dayega ninyo ang GINOO.