Mga Salmo 138:1 ΒΆ Pagadayegon ko ikaw sa bug-os ko nga kasingkasing: Sa atubangan sa mga dios magaawit ako pagdayeg kanimo. 138:2 Magasimba ako padulong sa imong templo nga balaan, Ug magadayeg ako sa imong ngalan tungod sa imong mahigugmaong-kalolot ug tungod sa imong kamatuoran: kay ikaw nagpadaku sa imong pulong labaw sa tanan imong ngalan. 138:3 Sa adlaw nga ako mitu-aw, ikaw mitubag kanako, ug ikaw naglig-on kanako uban sa kusog sa akong kalag. 138:4 Ang tanang mga hari sa yuta managdayeg kanimo, Oh Jehova, sa diha nga sila makadungog sa Ginoo mga pulong sa imong baba. 138:5 Oo, sila manag-awit sa mga dalan ni Jehova; Kay daku ang himaya ni Jehova ang Ginoo. 138:6 Bisan si Jehova hataas uyamut, apan siya nagatagad sa mga mapaubsanon; mapahitas-on siya nahibalo sa halayo. 138:7 Bisan pa magalakaw ako sa kinataliwad-an sa kagul-anan, ikaw magahatag ug kinabuhi kanako; ituy-od ang imong kamot batok sa kasuko sa akong mga kaaway, ug sa imong tuo nga kamot magaluwas kanako. 138:8 Si Jehova magahingpit niadtong mahitungod kanako: ang imong mahigugmaong-kalolot, Oh Jehova, nagapadayon sa walay katapusan: ayaw pagbiyai ang mga buhat sa imong kaugalingong mga kamot.