Mga Salmo 135:1 ΒΆ Dayegon ninyo si Jehova. Dayegon ninyo ang ngalan ni Jehova; dayega siya, Oh kamo mga alagad sa Ginoo. 135:2 Kamo nga nanagtindog sa balay ni Jehova, Sa mga sawang sa balay ni Jehova atong Dios, 135:3 Dayega si Jehova; kay si Jehova maayo man: pag-awit ug mga pagdayeg sa iyang ngalan; kay kini makapahimuot. 135:4 Kay si Jehova nagpili kang Jacob alang sa iyang kaugalingon, Ug sa Israel alang sa iyang kaugalingon bahandi. 135:5 Kay ako nahibalo nga si Jehova daku man, Ug nga ang atong Ginoo labaw sa tanang mga dios. 135:6 Bisan unsa nga gikahimut-an ni Jehova, kana iyang gibuhat didto sa langit, ug dinhi sa yuta, didto sa yuta dagat, ug ang tanang kahiladman. 135:7 Siya nagapasaka sa mga alisngaw gikan sa mga kinatumyan sa yuta; siya naghimo mga kilat alang sa ulan; iyang gipagula ang hangin gikan sa iyang mga tipiganan. 135:8 Nga milaglag sa mga panganay sa Egipto, Sa tawo ug sa mananap. 135:9 Nga nagpadala ug mga timaan ug mga katingalahan sa imong taliwala, Oh Egipto, sa ibabaw si Faraon, ug ang tanan niyang mga alagad. 135:10 Nga milaglag sa dagkung mga nasud, ug mipatay sa mga gamhanang hari; 135:11 Si Sihon nga hari sa mga Amorehanon, ug si Og nga hari sa Basan, ug ang tanang mga gingharian. sa Canaan: 135:12 Ug naghatag sa ilang yuta alang sa usa ka panulondon, usa ka panulondon sa Israel nga iyang katawohan. 135:13 Ang imong ngalan, Oh Jehova, nagapadayon sa walay katapusan; ug ang imong handumanan, Oh Jehova, sa tanang kaliwatan. 135:14 Kay si Jehova magahukom sa iyang katawohan, ug siya magabasul sa iyang kaugalingon mahitungod sa iyang mga alagad. 135:15 Ang mga dios-dios sa mga nasud mao ang salapi ug bulawan, Ang buhat sa mga kamot sa mga tawo. 135:16 Sila adunay mga baba, apan sila dili makasulti; sila adunay mga mata, apan sila dili makakita; 135:17 Sila adunay mga igdulungog, apan sila dili makadungog; ni may gininhawa sa ila mga baba. 135:18 Sila nga nanagbuhat kanila mahisama kanila; sila. 135:19 Dayega si Jehova, Oh balay sa Israel: Dayega si Jehova, Oh balay ni Aaron. 135:20 Dayegon ninyo si Jehova, Oh balay ni Levi: Kamo nga nangahadlok kang Jehova, dayegon ninyo si Jehova. 135:21 Dalayegon si Jehova gikan sa Sion, Nga nagapuyo sa Jerusalem. Daygon kamo ang Ginoo.