Mga Salmo 129:1 ΒΆ Sa nakadaghan gisakit ako nila sukad pa sa akong pagkabatan-on, isulti unta sa Israel karon: 129:2 Sa nakadaghan gisakit ako nila sukad pa sa akong pagkabatan-on, apan wala midaog batok kanako. 129:3 Ang mga magdadaro nanagdaro sa akong buko-buko: Nanagtaas sila sa ilang mga tudling. 129:4 Si Jehova matarung man: Iyang giputol ang mga gapus sa mga dautan. 129:5 Ipabutang silang tanan sa kaulawan ug pagpasibug, nga nanagdumot sa Sion. 129:6 Himoa sila nga sama sa balili sa ibabaw sa mga atop sa balay, nga malaya sa atubangan niini mitubo: 129:7 Nga ang magpupugas wala makapuno sa iyang kamot; ni siya nga nagbugkos sa mga binangan iyang dughan. 129:8 Ni manag-ingon sila nga nanagpangagi: Ang panalangin ni Jehova anaa unta kaninyo; gipanalanginan ka namo sa ngalan sa Ginoo.