Mga Salmo 127:1 Gawas kon si Jehova ang magtukod sa balay, Kawang lamang ang kahago niadtong nagtukod niini. gawas kon si Jehova magbantay sa ciudad, ang magbalantay mahigmata apan kawang lamang. 127:2 Kawang lamang alang kaninyo ang pagbangon sayo sa kabuntagon, sa paglingkod sa ulahi, sa pagkaon sa tinapay sa mga kasubo: kay sa ingon niini siya nagahatag sa iyang hinigugma nga pagkatulog. 127:3 Ania karon, ang mga bata mao ang panulondon ni Jehova, Ug ang bunga sa tagoangkan mao iyang ganti. 127:4 Ingon sa mga udyong nga anaa sa kamot sa usa ka kusgan nga tawo; mao usab ang mga bata sa kabatan-onan. 127:5 Malipayon ang tawo nga ang iyang baslayan napuno kanila: sila mawala na maulaw, apan sila makigsulti sa mga kaaway diha sa ganghaan.