Mga Salmo 124:1 ΒΆ Kong dili pa si Jehova maoy dapig kanato, karon isulti sa Israel; 124:2 Kong dili pa si Jehova maoy kadapig kanato, Sa diha nga ang mga tawo mingtindog batok kanato: 124:3 Unya gilamoy nila kami nga madali, Sa diha nga misilaub ang ilang kaligutgut batok kanato: 124:4 Unya ang mga tubig minglunop kanato, ang suba minglapaw sa atong kalag. 124:5 Unya ang mapahitas-on nga mga tubig minglapaw sa atong kalag. 124:6 Dalayegon si Jehova, Nga wala magtugyan kanato ingon nga tukbonon sa ilang mga ngipon. 124:7 Ang among kalag giluwas ingon sa usa ka langgam gikan sa lit-ag sa mga mangangayam: Ang lit-ag. nabungkag, ug kami nakaikyas. 124:8 Ang among tabang anaa sa ngalan ni Jehova, nga nagbuhat sa langit ug sa yuta.