Mga Salmo 122:1 ΒΆ Nalipay ako sa pag-ingon nila kanako: Mangadto kita sa balay ni Jehova. 122:2 Ang among mga tiil magatindog sa sulod sa imong mga ganghaan, Oh Jerusalem. 122:3 Ang Jerusalem gitukod ingon sa usa ka ciudad nga nagkahiusa; 122:4 Diin mingtungas ang mga banay, ang mga banay ni Jehova, Ngadto sa pagpamatuod sa Israel, sa paghatag ug mga pasalamat sa ngalan ni Jehova. 122:5 Kay didto gibutang ang mga trono sa paghukom, ang mga trono sa balay ni David. 122:6 Pag-ampo alang sa pakigdait sa Jerusalem: Mouswag sila nga nahigugma kanimo. 122:7 Ang pakigdait anaa sa sulod sa imong mga kuta, Ug ang kauswagan sa sulod sa imong mga palacio. 122:8 Tungod lamang sa akong mga kaigsoonan ug mga kauban, Ako karon moingon: Ang pakigdait anaa sa sulod. kanimo. 122:9 Tungod sa balay ni Jehova nga atong Dios Pangitaon ko ang imong kaayohan.