Mga Salmo 115:1 Dili kanamo, Oh Jehova, dili kanamo, kondili sa imong ngalan ihatag ang himaya, tungod sa imong kalooy, ug tungod sa imong kamatuoran. 115:2 Ngano man nga magaingon ang mga nasud: Hain man karon ang ilang Dios? 115:3 Apan ang atong Dios anaa sa mga langit: Gibuhat niya ang tanan nga iyang gikahimut-an. 115:4 Ang ilang mga dios-dios mao ang salapi ug bulawan, Ang buhat sa mga kamot sa mga tawo. 115:5 Sila adunay mga baba, apan sila dili makasulti: sila adunay mga mata, apan sila dili makakita; 115:6 Sila adunay mga igdulungog, apan sila dili makadungog: Sila adunay mga ilong, apan sila dili makapanimaho. 115:7 Sila adunay mga kamot, apan sila dili makagunit: sila adunay mga tiil, apan sila dili makalakaw. ni mosulti sila pinaagi sa ilang tutunlan. 115:8 Sila nga nanagbuhat kanila sama kanila; mao man ang tanan nga nagasalig sila. 115:9 Oh Israel, salig ka kang Jehova: Siya mao ang ilang tabang ug ang ilang kalasag. 115:10 Oh balay ni Aaron, sumalig kamo kang Jehova: Siya mao ang ilang tabang ug ang ilang taming. 115:11 Kamo nga nangahadlok kang Jehova, sumalig kamo kang Jehova: Siya mao ang ilang tabang ug ilang tabang taming. 115:12 Si Jehova nahinumdum kanato: Siya magapanalangin kanato; iyang panalanginan ang balay ni Israel; siya magapanalangin sa balay ni Aaron. 115:13 Siya magapanalangin kanila nga nangahadlok kang Jehova, Sa gagmay ug sa dagku. 115:14 Si Jehova magadugang ug magadugang kaninyo, kaninyo ug sa inyong mga anak. 115:15 Mga bulahan kamo ni Jehova, nga nagbuhat sa langit ug sa yuta. 115:16 Ang langit, bisan ang mga langit, iya ni Jehova; apan ang yuta iya man gihatag ngadto sa mga anak sa tawo. 115:17 Ang mga minatay dili magadayeg kang Jehova, Ni bisan kinsa nga nanganaug ngadto sa kahilum. 115:18 Apan kita magadayeg kang Jehova Sukad karon ngadto sa umalabut ug sa walay katapusan. Pagdayeg ang Ginoo.